6 manush tordjion khetanes.
1 av 7
Intrego grupa EU-migranter som resurs Foto: Adam Szoppe/Sveriges Radio
Geta tordjiol thaj mirij o pohtan
2 av 7
Geta mirij o pohtan so avla jekh gono. Foto: Adam Szoppe/Sveriges Radio
Jekh romnij gladjis o pohtan
3 av 7
Buchiako moralo si zuralo Foto: Adam Szoppe/Sveriges Radio
Jekh romni e Nicoleta suvel pe mashina.
4 av 7
Jekh romni e Nicoleta suvel pe mashina. Foto: Adam Szoppe/Sveriges Radio
Resultato khatar e buchi.
5 av 7
O gono anda materialo si o resultato anda buchi. Foto: Adam Szoppe/Sveriges Radio
Jekh rom vasile suvel materialo pe mashina.
6 av 7
Vasile loshal peska buchiake. Foto: Adam Szoppe/Sveriges Radio
Mircea Budulean si sherutno pe projekta.
7 av 7
Mircea Budulean angla sujimaski soba. Foto: Adam Szoppe/Sveriges Radio

EU-migrantura sar buchiara

4:46 min

Sveriges Stadsmissioner thaj Crossroads inkren jekh nevi projekta khaj zhutij pe EU-migranton te len buchi sar te beshen pe vulitsi thaj te mangen love.


Mircea Budulean si o sherutno pe projekta Eu-migranter som resurs thaj sikavel o atalje e soba khaj beshen 5 eu migrantura thaj suven gone anda materialo.

Mircea sikavel loshasa e buchi thaj phenel ke kado si inkerdo khatar o REMAKE modelo so Stockholms stadsmission inkrel opral 10 bersh. Ando kodo modelo kerel pe buchiako treningo, produktcia, designo thaj recajklingo.

Vov phenel kodo ke von line perdal o REMAKE modelo thaj line decizia te shion kodo pe e EU-migrantura so mangen love pe droma thaj kodol so si bi buchiako.

Mircea phenel ke pe kado than line 2 djene praktika thaj 3 djene line buchi khaj pochinel pe lenge pe sako chaso - timanställning.

Kodol so keren buchi len jekh pochin thaj o Stockholm Statsmission pochinel sa e insuransura thaj vi e skatura.

E buchi djal akanak zurales mishto, kadi projekta si nevi thaj dichiol pe e manush so keren kote buchi ke kado del len zor thaj losh thaj kado si o ghindo kadala projektasa, phenel o Mircea Budulean.

E buchi del jekh chachi buchiaki experiensa thaj kado si zurales vazno ke kado vazdel opre e manushen.
Mircea Budulean sikavel loshasa opre e materialoske gone so e EU-migrantura suven.

Aba manglas jekh firma kadal materialoske gone amendar thaj pala kodo biknasam kadal gone maj dur ande amare boltci so Stadsmissionen inkrel, phenel o Mircea.

Vasile beshel pasha jekh sujimaski mashina thaj suvel, vov phenel ke vov beshlas maj anglal pe droma thaj mangelas thaj akanak acharel vov ke vov si bahtalo ke kerel jekh chachi buchi.

Pasha leste si jekh romni khaj bushiol Geta, vi voj loshal ke si la buchi, voj phenel ke jekh buchi vazdel opre e manushes thaj del les jekh manushipe thaj e Geta kamlov savori te acharen kodo so voj akanak acharel peska buchiasa.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista