Hamid Reza rom anda Teheran.
Hamid Reza rom anda Teheran. Foto: Privat

Hamid Reza vorbij pa rom ando Iran

"Ame sam roma na iranura"
4:38 min

Sar trajin le rom ando Irano, djanesas tu ke si rom ando Irano? Ame ando Radio Romano lam kontakto le romesa o Hamid Reza.

Vov  trajij avri anda Teheran ando Irano, te phenel amenge sar mezij o romano trajo, zakono thaj kultura ando them, thaj kade phenlas vov kana kherdam lesa jek intervju ando Radio Romano.

O Reza phenel amenge ando Radio Romano thela e intervjucia kaj kherdam lesa pa telefono, ke e romengo trajo ande Irano naj nasul thaj ke o majoriteto dosta mishto trajin. Majbut djene kheren buchi ande peske vlasni gava, thaj si le lenge zvjerura kaj von inkren.

O Reza majdur phenel ke le rom ando Irano phenen phuterdes ando them ke rom si, thaj ke chi lel vov sama ke diskriminacia kaj dichol karing le rom ando them. Kado si importatno acharel o Reza, ke von naj iranura, ferik rom thaj atunchi trobuj inkherdo o romano identiteto.

O Reza si 29-bershengo thaj kherel buchi sar jek elektrikako engineri nadur katar o sherutno foro Teheran ando Irano. Thaj jiva o trajo ando them le romenge si lasho, si o problemo ke nashtik traden avri anda them sar kamen, phenel o Hamid.

Vov jekzeno zumadas te pari bersh palpale te avel pe jek vizita ando Shvedo, ferik ke chi mukhle les ando them.

Le rom ando Irano si muslimura, phenel o Hamid. Ferik ke kana pushel peske phure manushendar, phenen von ke le rom ando Irano nas le mindik kadi religia, ferik ke avilas vramasa thaj katar o guvermento, phenel o Hamid.

Ando Irano naj romane aktivistura kaj kheren buchi ando romano pushipe ando them, phenel o Hamid Reza. Kado kherel ke naj but kherdo le romenge le themestar kana avel kaj e chib, kultura vaj edukacia ande kado. Thaj importatnoj te avel inkherdi e romani chib mashkar le rom ando Irano phenel o Hamid Reza.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".