But manush anda kaver thema mangen zhutipe.
Nashutne mangen zhutipe ando Helsingfors. Foto: Thella Johnson

Neve reguli maj phare ando EU

"Feri uni birin te anaven penga familja"
1:47 min

Pala kadal reguli len feri kodol so si klasovane sar nashutne pala FN:oske nashutnengi konventcia o shajipe te anaven pengi familja.

Shvedicka zakonura so avna milaje pa nashutne so mangen te anaven pengi familja avna zurales phare kodole nashutnenege so zumaven te anaven pengi familja ando Shvedo, sikavel jekh dikhipe so Ekot kerdas.

Angla jivend phendas o regeriungo ke shvedicko zakono pa azylantura avla minimovano po minimalno levelo ando EU.

Pala kadal reguli len feri kodol so si klasovane sar nashutne pala FN:oske nashutnengi konventcia o shajipe te anaven pengi familja.

Feri ke but manush chi len kadi klasifikatcia sar nashutneno thaj len kado nashutnengo statuso - flykting status ando Shvedo thaj pe buteste maj cera del pe kado statuso ando Shvedo sar ande kaver EU-thema.

Ando EU lenas karing 80 procenti anda e Syriake nashutne kadi klafisikatcia ando Shvedo line feri 10 procenti anda Syriake nashutne kadi klafisikatcia.

Kado znacij ande praktika ke feri kadal 10 procenti birin te anaven penga familja ando Shvedo.

E kaver nashutne so line pacha line jekh kaver klasifikatcia thaj len naj chachipe te anaven penga familja.

Kado kerel ke o Shvedo si o maj pharo them ande intrego EU pe familjako anajipe e nashutnenge, kado phenel e Anne Bathily anda europaki nashutnenegi organizatcia ECRE.

Vi kaver thema keraven penge zakonura akanak te na avel slobodo e nashutnenge te anaven penge familji ande lengo them.

Finlando anadas jekh buchiaki granitca, jekh manush musaj te lel maj tsera 25000 koroni ando Shon te birij te anavel peska familja thaj kado kerel ande praktika ke e nashutne chi birin te anaven penge manushen ando Finlando.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".