Romane chavora huchen po materatso.
Trin loshake romane chavora. Foto: Drago Prvulovic / TT

Mediatora pe skola ando Skarpnäck

"Kadi buchi avla phari"
4:15 min

Duj buchiara si te lashiaren e skolaki problematika kusa romane chavora.

Ame lam sama kusa e romane mediatora ke trobuj amen romane buchiara ando Skaprnäck ande skoli te lashiajvel e situatcia ke kade chi djala kadi buchi maj angle, phenel o Leif Bergström khaj si Enhetschef för resursenheten för barn och ungdom ando Skaprnäcks stadsdelsförvaltning.

E duj neve buchiara so kerna buchi kusa romane ternimata ande Skaprnäck kerna buchi a komunasa, skolasa thaj vi e dadenca thaj dejanca.

Pasha kodo si von te dikhen perdal save si e chache dosha ke e romane chavora chi phiren ande skola, phenel o Leif Bergström maj dur.

Ando Shvedo si jekh obligatsa e chavoren te phiren ande skola, jekh zakono khaj si zuralo - skolplikt thaj kana chi djan e chavora ande skola shaj o socialo te avel thaj te len e chavoren anda e romane familji.

Mikael Toftesson si jekh romano brobyggare ando Stockholm på arbetsmarknadsförvaltningen thaj vov si vi panglo kusa kadi buchiaki projekta ando Skarpnäck.

Vov phenel ke si jekh bari problematika ando Skapnäck ke but romane chavora thaj ternimata chi phiren ande skola.

Mikael Toftesson phenel ke sas problemura ande uni familji ke lenge chavora chi phirnas ande skola thaj o socialo mangelas te len lenge chavora, Mikael phenel ke bari responsebilita avna pe kodol duj so kerna buchi ando Skarpnäck ke but buchi avla thaj e buchi avla pe but levelura ando Skarpnäck.

Mikael Toftesson phenel ke shaj vi kodo te avel jekh dosh ke e skoli keren variso so naj mishto, naj musaj feri e romane familjaki dosh te avel kodo ke but romane chavora chi phiren sar khaj trobuj ando Skarpnäck ande skola.

E buchi so avla pe kadal duj romane ungdomscoacher avla dosta phari phenel o Mikael Toftesson ke kadi buchi chi birij te paruvel pe tela jekh skurto vrama anda kodo trobuja kadale buchiaren but inspiratcia, kamipe thaj vi zor te lashiajvel e romane chavorengi situatcia ande skola.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".