Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Riksdagen
Debato pa buchiako marketi ando riksdagen. Foto: Anders Wiklund/TT

Debato ando riksdagen

Debato pa buchiako marketi
2:09 min

Kana buchiako marketi sas opre po debato adjes ando Riksdagen vorbijas pe sar e neve imigrantura - nyanlända si te aven andre po buchiako marketi.

Statsministro Stefan Löfven anda Socialdemokraterna phenlas ke o regeriungo chi akseptulija maj cine shoneske pochinimata pe uni buchia.

Ande bolnici, ande restoranura thaj ande boltci len manush cera love thaj lenge si phares te vazden penge shoneske love thaj kadalenge avla inge maj phare te avna kado khaj neve manush.
Nashtik te kerel pe isolatsia pe uni buchia unie manushenge, phenlas o Löfven.

O debato sas manglo khatar e liberalura khaj lengo sherutno o Jan Björklund phenlas ke musaj te del pe varisavo zhutipe e neve manushenge ke kade chi dena von andre pe buchiako marketi.

E liberalerna dine maj anglal jekh propozalo khaj sas te del pe jekh maj cino pochin ternegne thaj neve manushenge ando them, kadal buchia sas te bushion start jobb.

Vi e Centerpartiet inkrelas pe pe sa kadi linja.

Stefan Löfven vazdas o glaso thaj phendas ke socialdemokraterna chi cinjarna love manushenge.

Anna Kinnberg Batra anda Moderaterna phenel ke vi e Moderaterna chi kamen te keren kado thaj phendas ke naj dosta feri te vazdel pe glaso ando debato feri musaj te inkrel pe jekh politicno buchi pashe.

Jonas Sjösted anda Vänsterpartiet phenlas ke nashtik te cinjarel pe e love e ternenge thaj e imigrantonge thaj shiolas kritika pe alliansa.

Jimmie Åkesson anda Sverigedemokraterna phenlas ke e manush musaj te len partia ando them thaj musaj te kamel te avel shvedano.. Thaj vov chi acharlas e kavere partien ke von kado chi acharen.

Ker Relacia

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".