Trin manush ande parne bolnicake ghada.
E kosta vazdas pe 20 procenti ke lel pe unzhule buchiaren. Foto: ERIK G SVENSSON

Maj bute doktoren lel pe unzhule

"Pachav ke savori dikhen pe lenge anonsura"
2:05 min

E kosta pe bolnicake buchiara so sas andre line sar extra vazdas pe kusa 20 procenti thaj sas pe 4 miljardura koroni.

E bari kosta djalas pe doktora so sas andre line thaj vi vazdas pe e kosta pe bolnicake phenja. Akanak vazden but manush penge glasura te na lel pe extra manushen khatar kadal bemannings firmi ke za kuch djal avri.

Cornelia Karlsson kerel buchi sar bolniciaki phej ande Västerås bolnitsa thaj voj phenel ke e bolnicake phenja len pe buteste maj but pochin khatar kadal firmi so den avri e buchiaren.

Butivar skrij pe ke e buchiara len 40 000 koroni ando shon.

E bolnicaki phej e Cornelia phenel ke vov pachal ke savori so keren buchi ande bolnici dikhen pe kadal buchiake anonsura, ke naj lashio pochin ande kadal buchia.

Voj phenel ke la si jekh dosta lashio pochin pe 26 815 koroni thaj kodo si zurales cera pasha e 40 000 koroni.

Åke Tenerz si jekh anda e sherutne anda e diferentne kliniki ando them so lel andre bolnicako personalo khatar e firmi so del unzhule e buchiaren te birij pe te zhutij pe e nasvale manushen so mangen zhutipe.

Vov phenel ke lende si feri 3 procenti anda e buchia andre line khatar e firmi thaj phenel ke dichiol ke kado kerdjiol jekh problemo ke kado kerdjiol maj kuch thaj ame chi las jekh kvalitativno zhutipe thaj kodol love trobusardov von te shion pe pengo personalo maj feder.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".