Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Flyktningar Foto:Manu Brabo
Foto: Manu Brabo

EU: O Svedo nashtik ulavel peske nashutnen

Nashenatar sa ande Europa
6:01 min

O Svedo chi biria te ulavel e nashutnen kaj si ando Svedo kavere themenge ando EU, aj kodo angla kodo manglas o Svedo te shaj kerel. Pa kodo site vorbin adjes e EU thema po toppmötet ando Bryssel. Jek anda proposalura si ke e Turcia lela extra love pa e situacia kaj si len le nashutnenca taj e migrantonca.

O Svedo las karing peste ando 2015 bersh ando september karing 5 800 nashutnen anda Italia taj Grecia. O Eu-kommissionen das jek proposalo po Eu-toppmötet ando december ke chi avna ulade maj but nashutne ando Svedo tela jek bersh.

EU-kommissionens ordförande Jean-Claude Juncker vi pendas ke o Svedo site avel ando omfördelningssystemet/ulajimasko systemo, kodo si ke o Svedo shaj del peske nashutnen kavere themenge, taj das peski vorba ke o proposalo kizdia pe ando 2016 bersh. Ale e vrama nachilas taj chi avile inke chi soske proposalura.

O Sveditsko regeringo si len jek mål ande adjesutno EU- kidipe taj kodo si vi e Turcia te avel andre ande Eu:s regulura pa o proposalo e krisasa le nashutnenca, ke e Turcia chi ginadjol sar jek sekurno them te rodes asylo.

O Esref Okumus si journalisto anda Dagens Nyheter taj vof inkrel le svedosa.

- O Svedo pendas te na ginadjol e Turcia sar jek sekurno them te rodes asylo, angla mande si godo mishto ke e Turcia kerdas bare kriminalni akcie karing manushikane chachimata.

Adjes si o EU-kidipe kaj vi site avel pa sar te kerel o EU taj e Turcia pa krisa le nashutnenca. Jek anda proposalura si ke e nashutne kaj aresle ande Grecia te aven ulade ande Turcia.

Pe jek EU-kidipe kaj sar jek kurko kodoleske manglas e Turcia dubbeltovo love katar o EU kaj aba angla kodo sas dine lenge, adjes site vorbin pa kodo, totalnie si e love karing 6 miljardi euro.

Pe kukole kurkesko kidipe pende e EU:s stats- taj regeringschefer ke kerena negosiacia pa turkitsko Eu-medlemskap, aj ke ando juni kado bersh te na avel aba kade ke trubuj visa le turkonge kana traden ando EU.

O Journalisto Esref Okumus, kaj but vrama raportuli so kerdjol pe ande Turcia, penel ke naj mishto ke keren negosuacia te avel e turkon Eu-medlemskap akanak.

- Me tolkuli ke o Eu pandavel peske jaka pe Turciake kriminalni akcie pa yttrandefriheten taj mänskliga rättigheter, mezi pe ke keren kodo feri te ashaven tele le Ergodan:os te na zan e nashutne pe gumovi parahodura ande Grecia. Akanak si e Turcia dur katar le Eu:s principura pa demokracia taj yttrandefrihet/ ke shaj penes so kames. Aj kaj kamel te del le o EU medlemskap si chuda.

O turkitsko presidento Ergodan si les jek maj auktoritarno politika taj vi naj les respekto pe manushikane chachimata, anda kodo alon perdo turkitska citisentura maj but anda lende kurdura te nashentar. O Esref Okumus penel ke o EU trubuj te len kado opre zipun keren e negosiacia.

- Karing 400 000 kurdura nashletar. Taj e turkitska medie sikavel ke sa kodole dromesa nashentar sar e syrianura, len e gumovi parahodura anda Turcia te resen ande Grecia. Te inkrela o Erdogan o them sar vof kamel adunchi nashenatar inke maj kurdura, taj avena sa ande Europa te mangen asylo.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".