Bild på fötter i ett solarium med blått ljus.
18-bershengi limita te djas po solarium? Foto: Pixabay

Proposalo: 18-bershengi limita pe solarium

"Rizika te nasvajves"
5:06 min

O regeringo djan majdur e planosa te anen andre jek 18-bershengi limita te djal o manush po solarium.

O proposalo akanak si bishado ande EU-komisia te nakhel pherdal kothe, ferik ke jek pharujipe ando zakono si les adjes aba supporto ando riksdagen sikhavel jek rhodipe kherdo katar e o Ekot, kaj vorbisarde kaj e diferetni partiji.

E Åsa Romson si klimatoski- thaj enviromentiaki ministerka (MP).

- Morchako cancer si jek anda normalni formi canceroske thaj barol maj zurales. Ame zurales daras thaj kamas te protectulisaras amde shavoren thaj ternjimaton sode ferik djal katar kado choro nasvalipe. Atunchi si importantno te djan maj cera po solarium. Ame chi dikhas atveto sostar terne manush site djan pe solarium, thaj atunchi si jek bershengi limita importantno, phenel e Åsa Romson klimatoski- thaj enviromentiaki ministerka.

O regeringo kamen te pharuven o zakono pe radiacia vaj o strålskyddslagen, tena avel slobodo ande buchi te mukhen varekas kaj chi pherdzilas 18-bershengo te djal ande jek solarium. Kodo kaj phagel kado zakono shaj lela atunchi mandato vaj temlica majbut zi kaj e shov shon.

O Ekot dikhle po gata proposalo katar o regeringo kaj akanak si bishado ande EU-komsia te dikhen chi nakhela. Thaj kothe phenel o miljö- och energidepartementet ke naj "zor" ande majbut informcia terne manushenge pa riziki kaj phiren po solarium. Te shaj des shavoren thaj ternen protecia trobuj jek 18-bershengi limita ando zakono te katar p 1 juli ando 2018-bersh, acharel o regeringo.

Ando Shvedo si but solarium kaj naj andre manush ferik love shudes thaj djas andre kadal bushol obemannade solarier. Von majdur site aven slobodo, ferik ke trobuj teknicni soluciji kaj birin te kontrolulin le manushenge bersh, phenel e Åsa Romson majdur.

- Sar kaver thema dine po atveto ande kado pushipe, birij vi o Shvedo te arakhel jek solucia. Si lashe possibiliti ke jek manush kaj si les jek solarium shaj dikhlvo e kundonge bersh vi tena naj manush ando solarium kaj kheren buchi, phenel e Romson.

Vi e trine shavorengi dej e Liza sar but kaver djene, phirel po solarium univar, ferik ke chi kamel lake shavora te phiren, thaj acharel ke o proposalo si lasho.

O proposalo pa jek 18-bershengi limita pe solarium mezij ande adjesutni situacia ke vazdel majoritetno supporto ando riksdagen. O Vänsterpartiet supportulin o proposalo, thaj kado kherel vi e Sverigedemokratongi Carina Herrstedt, anda e morchako cancer.

- Kana dikhes sar sas o progresso thaj sar kaver thema kheren, atunchi ame sam positivni pala kado. Ferik ke inke chi ginadam o proposalo, phenel Carina Herrstedt.

Ferik ke na sako jek si kade positivno karing kado nevo proposalo katar o regeringo. E Moderatongi social-politicno talesperson vaj representantka e Cecilia Widegren, chi pachal ke jek prohibicia vaj jek förbud ande kado falo si o vorta drom.

- Chi djal te shuves jek zakono pe intregi riziki ando trajo, musajij maj responsibilnie te kheras buchi informciasa thaj maj viraznie te sikhavas ke ultraviolett strålning vaj e rediacia katar le solarium ande za bari doza naj lashe kanikaske, phenel e Cecilia Widegren.

Thaj pe jek similarno linja djal vi o 29-bershengo Marco anda Stockholmo, kaj gindoj ke jek 18-bershengi limita pe solarium chi zutisardov ke kana ternjimata kamen te kheren vareso, kheren vi tena naj slobodo.


Ferik ke e Åsa Romson acharel ke o them musajij te lel o vazdipe pe morchako cancer maj zurales.

- Kana avel kaj e shavora thaj terne musajij te das le protecia pe kadal nazvalimata te birisaras.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".