Teatro Boxaren Trollmann ando ringo.
1 av 3
Boxaren - jekh teatro pa Johann Trollmann Foto: Mattias Ermanbrix
Rezishero Erik Norberg
2 av 3
Rezishero khaj Boxaren o Erik Norberg Foto: Adam Szoppe/ Sveriges Radio
Johann "Rukeli" Trollmann
3 av 3
Johann "Rukeli" Trollmann

Boxaren

"But emotci avna, losh, briga thaj drama"
4:17 min

O teatro lela pe ando bersh 1928 kana o Johann Trollmann pachal ke lela than ande olympiako khelipe, phenel o rezishero o Erik Norberg.

2 april po Örebro länsteater avla jekh muzicno teatro pa o romano boxeri Johann Trollmann anda Njamco khaj bushiola Boxaren.

Boxaren si opre shutino khatar Erik Norberg thaj Alexander Öberg.

O teatro lela pe ando bersh 1928 kana o Trollmann pachal ke vov lela than ande olympiako khelipe feri ke kade chi djal avri.
Ke e Nazistura shute aba zor ando Njamco thaj kado kerlas bare pharimata e Trollmanneske ke vov sas rom nada grupa Sinti.

E njamcura shute les ande jekh matcho te vestoj o matcho feri ke o Trollmann chi kamlas te vestoj te hasarel o matcho thaj kado halas lesko trajo thaj vov phelas ande koncentraciake lagera.

Kado teatro avla jekh teatro kusa but emotci, losh, briga, asajipe thaj vi drama phenel o rezisheri o Erik Norberg.


O Johan Trollmann vaj Rukeli sar vov bushiolas romanes mukhlas pe peska romniasa te na mudaren vi la e njamcura, vov sas sterilzirime thaj kodo znacijas ke chi biriajas te avel les chavora feri ke e Trollmannos sas jekh chavoro thaj mukhlas peska familja te mudaren len mukhlas pe vov peska familjasa.

Erik Norberg phenel ke o teatro avla zuralo thaj sikavla o trajo so Trollmann nakhlas fer ke kado teatro avla kade kerdo ke sikavel pe kadi historia khatar kavere manushenge jakha, djuvlia so beshnas ande Västramark khaj sas jekh dilengo kher jekh bolnica khaj kerlas pe sterilizatcia pe manushen ando Shvedo.

E historia Boxaren pa Trollman sikavel vi kodo so sas similarno mashkar o Shvedo thaj nazismo, ke vi ando Shvedo sas kade ke e manush birinas te alosaren vaj nakhen sterilizatcia vaj avna phandade ande dilenge bolnici ando Njamco sas von bishade ande koncentraciake lagera.

E historia vazdel opre vi shedicko historia kusa e rasbiologicno rodipe thaj dikhipe so sas ando them, phenel o Erik Norberg.

Jekh emotciaki historia so vazdel opre diferentne pharimata so o Trollman nakhlas thaj vi jekh pashipe khaj shvedicko historia..

Feri e publika naj so te daral avla vi boxingo ke ande kado teatro avla vi jekh boxingosko ringo kam chi avla chacho boxingo feri maj but jekh khelipe thaj vi muzika khaj vazdela opre e manushen phenel o rezisheri o Erik Norberg.



Ker Relacia

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".