Sorg i Bryssel. Foto: Nora Lorek /TT
1 av 4
Foto: Foto: Nora Lorek /TT
Ambulanspersonal tar hand om offer efter terrorattacken i tunnelbanan vid Maalbeek.
2 av 4
Ambulansura len sama pala dukhado Foto: PHILIPPE HUGUEN/TT
Militär och polis patrullerar Bryssels norra tunnelbanestation.
4 av 4
Militerura patrulin o foro Foto: NICOLAS MAETERLINCK/TT

UD majdur naj kontakto hasarde shvedonsa

Trin shvedura si dukhade thaj shtar majdur hasardej pala terroristicni attentaura ando Bryssel ,Belgia arachi.

Jekh anda le shevdura, jek djuvli kaj kherel buchi ande EU-kommisia sas zurales dukhadi.

Kado arachi pala terroristicni attentatura ande Belgiako sherutno foro o Bryssel kaj vazdas reakciji krujal intrego luma. Maj thele mule 34 manush thaj opral e 200 djene sas dukhade pala bombi kaj sas mukhle ande tunnelbana thaj po air-porto Zavantem. E terroristicno organizacia IS vaj o islamisticno stato line pe peste le attackura.

Le duj pindjarde självmordsbombare, vaj le manush kaj line pesko trajo kana pharade le bombi si akanak indentifikovani sar duj phral zangle katar e policia, rapportulij e tv-firma RTBF.

Thaj thela djes sas rapportovano ke huchilde jekhe tritone murshes kaj sas rhodino ando Anderlecht ando sydvästra Bryssel, skirij e belgisko gazeta DH.

Jek informacia kaj e belgisko gazeta DH akanak si rapportovano ke len palpale, thaj ke nas kodo o mursh.

Thaj kade phenel le Ekosko korrespondento o Janne Andersson kaj sas live po than ando Bryssel pasha tunnelbana kaj sas jek anda explosiji.

- Kado mursh sas zurales rhodino katar e policia. Sas but diferetni policiake razziciji krujal o Bryssel, thaj vi avri anda Bryssel si phendo, vi pala kado ke e policia mukhlas avri patretura pe trin djene, kaj jek anda kodol akanak gindon ke si o trito mursh kaj sas huchildo pe kamera, kadal si na confirmovani informaciji katar e gazeta, phenel o Eko-korrespondento o Janne Andersson kaj sas po than ando Bryssel.

Adjes jekhesko pala mizmeri si rapportovano ke e policia kusa federalno prokurori site inkrel jek presskonferanso pa e situacia krujal o huchildo mursh thaj pa terroristicno attentato ando them.

Thaj le Ekosko kaver korrespondetno o Hans Brun kaj si vi rhoditori po terrorismo, phenel ke te si kado o mursh kaj si doshalo, si kado jek cino paso angle ande investigacia.

- Kadal si dosta sigi preliminarni informaciji, ferik ke te si kade, si kado jek cino paso angle angla mande. Pala kode kado manush site avel avri pushlo thaj kado lela vrama, ferik ke kado si jek paso angle, thaj sar mindik ande kasave situaciji mishtoj kana o doshalo si huchildo trajime, phenel o Hans Brun, rhoditori po terrorismo.

Kaj majdur phenel ke dosta sigo sikhadas e belgisko policiaki buchi ande investigacia resultato, thaj but anda kado ke sas securitako materialo kaj huchildas pe pindjarde murshen.

- Kado sikhavel che importatni si kameri, kana rhoden pala manshengo identiteto, thaj te djanes kaj sas palpale ande vrama, phenlas o Hans Brun majdur ando Ekot.

E avrithemutni ministerka e Margot Wallström, phenel ke o avrithemutno departemento vaj UD si le kontakto kusa belgiska departementura vi pa le trin dukhade shvedura thaj le kaver shtar kaj chi birisarde te len kontakto lensa. Thaj pala informaicka katar o EU-ambassadoro ando Bryssel o Anders Ahnlid, sas le shvedurap pashe pasha terroristicno attentatura.

- Lenge pashe manus daran zurales, thaj ame nashtik shuvas vareso pe righate ke chi djanas so kerdzilas. Amari nadzea si ke o kontakto le belgiska departementonsa kherla ke djanasa kaj le vaj ke lena kontakto amensa. Ferik ke anda kado zurales daras, phenel e avrithemutni ministerka e Margot Wallström ando Ekot.

Ande Belgia trajin cirka 6 000 shvedura thaj si vi but shvediska firmi aktivni ando them.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".