Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Vagi sikaven chores ande boltci

Publicime torsdag 24 mars 2016 kl 10.24
"Acharos ke naj mindik sar khaj trobuj"
2:23 min
Maushni khidel peske godis
Shvedicko radio kerdas rodipe khaj sikavel ke but vagi sikaven chores. Foto: Foto: Christian Ströberg/Sveriges Radio

Akanak angla patradji khiden pe e manush ande boltci thaj khinen but guglimata - godis te den birin te den kado jekh kavereske pe patradji.

- Univar acharos ke variso naj sar khaj trobuj a vagasa, phenel o Ove holm thaj leski piravni anda Norrköping.

Von tordjion angla e guglimata e godisura so khinel pe pe vaga.

Ando Shvedo hal sako manush karing 16 kili godis tela o bersh thaj tela patradjiaki vrama biknel pe 10 procenti anda sa bikinipe po guglipe ando Shvedo, sikavel statestika khatar Jordbruksverket thaj e organizatcia Svensk Handel.

Trin lokalne redaktci khatar Svedicko Radio kerde jekh rodipe khaj von nakhle opral 40 boltci ande forura Jönköping, Kalmar, Linköping thaj Norrköping thaj dikhelas pe vaj e vagi sikavnas korekno vaga.

Kadal vagi sikaven ke si kontrolovane khatar SP Sveriges tekniska forskningsinstitut.

Ande kado rodipe sikadjilas kodo ke sako shtarto bolta mashkar kadal 40 boltci inkrenas vagi khaj sikavnas chores kana shiolas pe guglimata pe vaga.

Thaj kana dikhel pe pe sa e kontrolovane 70 vagi sikavlas sako deshto chores.

E vagi sikaven vi za but thaj vi za cera jekh anda e vagi sikavlas 50 gram za cera pe sako kilo.

E vagi si kontrolovane thaj plombovane khatar SP thaj e organizatcia Swedac keren kontroli ande boltci pe lenge vagi thaj dikhen te na avel e blompa phagerdi so SP Sveriges tekniska forskningsinstitut shiol opre.

Jekh raporto so Swedac mukhlas sikavel ke e plomba si phagi pe sako deshto vaga thaj ke e vagi naj kodolesa aceptovane.

Ove Holm phenel ke vov acharlas ke e vagi sikaven chores ke soha chi dikhlas ke skrij pe pe vaga ke e vaga sas kontrolovano.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".