Säkerhetspolisens biträdande chef framför säkerhetspolisens logotyp. Foto: Maja Suslin/TT.
Johan Sjöö, Säposko vice chefo. Foto: Maja Suslin/TT.

Säpo chale anda nevo terror-zakono

"Musajij sikhadi evidencia"
3:40 min

Zurarde le shvediska terroristicni zakonura thaj avla illegalnie te trades vaj te kheres edukacia e gindosa te kherel o manush terroristicni aktiji.

O Säpo akanak kamen o nevo zakono te kherel ke birina te ashaven thele majbuthe djenen te traden te phanden pe kaj terroristicni gruppi.

E securitaki policiaki vaj e Säposko vice chefo o Johan Sjöö phenel ande jek intervjucia ando Ekot ke leski nadzea si ke o nevo zakono ande "maj lasho falo" znachija ke o Säpo shaj ashavela thela tradimata kaj terror-organizaciji.

- Kodo so kamas te phenas si ke vazdas jek grado po pindjaripe vaj jek misstankegrad djipon kodol manush traden avri anda Shvedo, kado kherla ke shaj das andre thaj te ashavas thele. Thaj kado chi birisaras adjes, ferik shaj vorbisaras volentarnie lensa, phenel o Johan Sjöö.

Pala siffri katar e sekuritaki policia vaj o Säpo trade cirka 300 djene le palune bersh te phanden pe kaj diferetni al-Qaida inspiritovani gruppi majbut ande Syria thaj Irako.

Ferik ke te birij varekon te avel convictovano kusa o nevo zakono musajij te sikhadzol evidencia vaj bevis ke o gindo pala kodole manushesko tradipe si te kherel jek terroristicno akto vaj te kherel edukacia te sichol sar te kherel kodo.

- Naj jek kriminaliteto te tradel o manush ande jek them thaj te phandel pe kaj o Isil. Musajij te sikhaves evidencia ke kodo si o atveto vaj o gindo, thaj kado avla phares. Ferik ke kado si jek kasavo bajo kaj sikhadzola kana zumavas konkretni fallura. Si ame but manush kaj traden ande kadal thema, thaj majdur kado kotor manush vazdelpe, naj ke hibazij fallura, ferik ke ashel te zumaves o nevo zakono konkretnie, phenel o Johan Sjöö, vice chefo ande Securitaki Policia.

E Agneta Hilding Qvarnström, si chefojka ande kodi prokuronrongi gruppa vaj åklagarkammare kaj si andre securitake fallura kaj si pa terrorismo. Kothe desar pala o milaj o paluno bersh kherde maj bari e gruppa inkhe jekhe prokuroesa, thaj birin te den peske rada ande majbut fallura.

E Hilding Qvarnström, phenel ke pharesij te djanes soski signifikacia avla le neve zakonos, ferik ke laki nadzea si ke daravela manushen le gindosa te traden thaj te phanden pe kaj terroristicni gruppi.

- Ande maj lashi situacia avla o effekto ke manush kaj si le gindo te traden te pharuven pesko gindo, ke kado naj legalnie, te si ke kamenas te traden kodole gindoa te phanden pe kaj terroristicni organizaciji, phenel e Agneta Hilding Qvarnström, anda Åklagarkammaren.

Ferik ke vi kritika si vazdini karing o nevo zakono katar diferetni righa. Thomas Olsson, advokato kusa lungo experiencia ande terroristicni fallura, gindoj ke o zakono, chi dela baro resultato. Thaj phenel

- Te ashaves manushes te tradel kusa terroristicno gindo, si sa kade logicnie sar tena mukhes manush kaj kamel te chorarel banko te tradel ando banko.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".