Anders Sundström Foto:Marcus Ericsson/TT
Foto: Marcus Ericsson/TT

O Sundström chi avla pale elektovano te avel styrelseordförande ando Swedbank

2:09 min

O Anders Sundström chi avla alosardo te avel pale styrelseordförande ando Swedbank. Jek pressträff lesa kizdia pe 10.00 aj avla bishado live ando Sverigesradio.se

Kana agorias pe o 2008 bersh sas o Michael Wolf alosardo te avel nevo vd ando Swedbank pala o Jan Lidén. O Wolf las te kerel buchi ando 2009 bersh angla milaj kana sas e bari finansovo krisi.

O Wolf sas zurales opre vazdino kana kerdas anda Swedbank jek anda Europake maj njerime bankura.

Ale te kathar o december kuko bersh mekle perdo chefura ande uche posicie o Swedbank, taj ando februari kado bersh sas o Wolf tele shudino pa peski buchi, taj anda kodo dine les karing 20 miljoni koroni.

Kana meklas o Wolf peski buchi sas o Anders Sundström shutino pe lesko than. Skurto vrama pala kodo avilas avri ke o Wolf sas opre dino pe policia katar o banko ke sas suspektovano ke kerdas insiderbrott.

Perdo chefura ando banko kaj sas len uche posici kerenas bisnesnura pe rik, taj o Anders Sundström zanelas pa kodo.

- O Anders Sundström las perdo kritika, maj but ande media. Kodol kaske si e akcie ando banko chi pende but pa kodo, ale alosarde te na shon les pale sar styrelseordförande, penel o Claes Aronsson ekonomireporter anda Ekot.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista