migrantläger Foto:ANNIKA AF KLERCKER / TT
Foto: ANNIKA AF KLERCKER / TT

Paluni rachi ando Kontrapunkt

3:49 min

Kadi rachi sas e ostatno rachi kaj 68 Eu-migranter racharen ande lokalura kaj inkrel o foreningo Kontrapunkt ando Malmö.

Anda e sekurita kana papol variso musaj te len e patura kotar, te na kerena kodo risikuli o fastighetsägaren te pochinel jek dopash miljoni koroni andi strafo.

Kana pakerde tele o migrantovo lageri kaj sas po Norra Sorgenfri ando Malmö kuko bersh karing o ivent, line but Eu-migrantura te soven ande foreningoske lokalura ando Malmö.

O Malmö stad penel akanak ke e lokalura naj sekurni te pabilon variso aj ke naj kodol nödutgångar sar e reguli mangen.

- Maj but shaj soven 20 zene ande jek "brandcell", penel o Anton Broberg Holm kaj si handläggare ando stadsbyggnadskontoret ando Malmö.

Aj kaj o fastighetsägaren shaj pochinela baro strafo, sikavel ke e situacia si seriosno, penelas vov maj dur.

- Kado si pa manushengo saschipe taj sekurita.

O foreningo Kontrapunk musaj akanak te pandavel e lokalura, ke si risika po strafo.

- Amen naj posibiliteta te pochinas kasavo baro strafo. Von kado specialnie keren feri te ashavas amari organizacia, penel e Johanna Nilsson.

Vi e kangheri pandavel.

E Johanna penel maj dur, ke o Kontrapunkt iventde dine opral ezera asylanton taj 150 romen

than kaj te soven.

- Ta na avilamas ame avilon von Malmö stads problemo. Amen naj problemo te keras kadi buchi. Ale chi trubunas te strafulin amen anda kodo.

21 april aba trubuna te na aven aba e patura. E Johanna Nilsson anda Kontrapunkt vi penel ke e Johannes kyrkan taj e komunake natthärbärge avna pandade.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista