Bocko, suntina thaj tsill
LCHF shaj avel nasul e chavorenge khas si diabetes 1 ke chi han kolhydrater. Foto: TT montage SR

LCHF shaj avel nasul chavorenge

3:46 min

Te hal pe zurales cera kolhydrater sar exemplo humera, kolompira thaj mandro shaj te avel grozno kodolenge kas si diabetes typ 1.

Kado ke e avla maj feder e chavorenge so si len diabetes 1 te hana LCHF dieta si desinformatcia thaj naj chi sosko chachipe pala vetenskap sajentsia thaj shaj te avel nasul lenge po trajo, phenel e sherutni doktoritsa Gun Forsander anda Drottning Silvias barn och ungdomssjukhus.

Pasha kodo si manush khaj den jekh kaveres tipsura ke chi trobuj te del pe insulina kana inkrel pe kadi dieta thaj kado naj chachipe.

E internetoski righ "dagens diabetes" skrij pa jekh 8 bershengo rakloro so avel ande bolnica.
Vov rovel thaj shadel thaj leske statoske prubi si zurales chore.

Lesko dat thaj dej phenen ke e intrego familja inkrel pe zurales pala e dieta LCHF.

E doktora phenen ke kado naj mishto feri e familja chi kamen te shunen po doktori thaj e doktora kamen te den opre a familja khaj o socialo.

E doktoritsa e Gun Forsander phenel ke voj dikhlas but kasave buchia thaj ke e familji chi kamen te acharen ke kadi dieta si nasul e chavorenge.

Voj phenel ke si kodol ke zurales cera kolhydrer han ke o o chavora shaj te hasarel pe thaj chi barola sar khaj trobuj kana avla ande bersh.

Kana inkrel pe varikon pala LCHF dieta shaj o sukuro te avel maj stabilno thaj kadalesa pachan dada thaj deja ke naj lenge musaj te den insulina penge chavorenge thaj kado kerel ke nasvajven e chavora zurales.

E doktoritsa Gun Forsander phenel ke trobuj maj but informatcia pa kado nasvalipe ke kado nasvalipe si zurales pharo.

LCHF vaj low calories high fat dieta si jekh popularno dieta vi mashkar e rom thaj butenge djal kado mishto thaj but phenen ke lenge si mishto.

Feri si vi kodol so acharede vaj line sama pe penge chavora ke kado si phares.

Jani si jekh rom khaj las sama ke kado si phares thaj phenel ke kado si pharo kodolenge so si nasvale po sukoro.

Vi o Lashio khaj si vegetariano phenel ke kadi dieta nasvaravel e manushen bute nasvalimatonca.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista