Policia khidel materatsura khatar EU-migranter
Policia opre dini ghindosa ke kerde trakaserier pe romane EU-migranter. Foto: John Alexander Sahlin/TT

Policiaki buchi shaj avel trakaserier

1:26 min

E policiaki buchi so von kerde karing e romane EU-migranter ando Malmö pasha o kher forosko - statshusetshaj te avel trakaserier.

Kado ghindoj e organizatcia Centrum för Sociala Rättigheter so akanak boldel pe khaj Justitieombudsmannen thaj Diskrimineringsombudsmannen thaj den a policia opre, raportulij 24malmo.se

Romane EU-migrantura kernas demostratcia thaj lenca vi kaver sympatizerura pasha kher forosko ando Malmö.

E dosh khaj kado si ke e Romane EU-migrantura kamen te sikaven so kote kerel pe kana duj campura sas phandade tele.
Tela kadi vrama lenas e EU-migrantura penca materatsura te birin te ratcharen ande jekh tuneli pasha o kher forosko.

Policia avile kote jekh rachi thaj uscavnas e romen thaj vi lenas lendar e materatsura e doshasa ke naj slobodo te campulij pe pe kodo than.

E organizatcia Centrum För Sociala Rättigheter (CSR) si jekh organizatcia khaj juridikake studentura inkren pe khetanes thaj von phenen ke a policia naj chachipe te keren kodo.

- Kado si jekh demostratcia khaj si garadino tela grundoske zakonura - grundlagsskyddad thaj kado djal anglal ordningslagen,

phenel Jens khaj chi kamel te phenel pesko anav kana 24malmo.se vorbij lesa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista