Shvedoske koroni
E korona shaj te zurajvel pa uni shion. Foto: CHRISTINE OLSSON / TT

Shvedoski korona shaj zurajvel

"Pachas ke o euro avla tela 9 koroni"
1:35 min

Valutako marketi vazdas opre e shvedicko korona thaj kado dichiol kana shiol pe e korona pasha euro.

Neve sifri khatar Statistiska centralbyrån sikavel ke e inflatsia ando Shvedo sas dosta uci ando shion mars.
Konsumtsiake chimina vazde pe opre kusa 0,8 procenti thaj kado sas maj uche sifri sar khaj o marketi thaj o Riksbanken ghindonas maj anglal.

Jekh rodipe so o banko SEB kerdas kana von dikhenas peral maj bare firmi thaj institutsi sar AP-fondi dikhle von ke sikadjiol pe jekh kaver politika karing e korona thaj pachal pe ke Riksbanken paruvla pesko ghindo pa shvedicko korona.

Sar si akanak kerlas o Riksbanken zurali buchi kusa rentake inkerimata thaj khinenas obligatci te na avel e shvedoski korona zurali ke kade kerel pe te inkrel pe jekh infltasia ando them.

Feri kodo ke shvedoski ekonomia si zurali akanak dikhenas kaver ekonomura ke shvedoski korona trobujas te avel maj zurali, feri chi birijas te vazdel pe ke Riksbanken inkrelas kado ande pesko vast.

Feri o sherutno stratego po SEB banko o Carl Hammer dikhlas neve signalura thaj pachal ke e shvedicko korona avla maj zurali pa uni shion thaj kado znacij ke o euro avla maj lezno thaj shaja te perel tela 9 koroni.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".