Attunda Tingsrätt
Krisi karing jekh 20 bershengo mursh ghindosa po terorismo. Foto: Maja Suslin/TT

Krisi ghindosa po terorismo

"Avna maj but krisa sar kadi"
1:30 min

Adjes las pe krisi karing jekh 20 bershengo mursh ghindosa ke vov planulijas te kerel teroristicne buchia ando Shvedo.

Ghindo si ke vov kamlas te keravel jekh bomba thaj pala kodo te paravel pe kusa e bomba varikhaj te avel jekh atentato.

E krisi phenel ke vov cirdelas tele manualura pa internet sar te karavel pe jekh bomba thaj cirdelas vi tele pa internet vorbi te kerel atentato, pasha kodo sas vov vi ande bolta thaj khidas materialo khaj shajas te avel andre ande jekh bomba.

E mursheski dej das les opre khaj e sekuritaki policia ando januari thaj phendas ke daralas pa pesko chavo thaj phendas ke lako chavo phendas peske dadeske ke vov kamlas te paravel pe opre thaj te lel righ khaj IS - Islamska staten.

Kadi krisi si specificno ke nas but kasave krisa ando Shvedo pa terorismo maj anglal, feri ke akanak si maj but manush ando Shvedo khaj inkren panglimata kaver manushenca thaj vi teroristicne grupenca thaj kodo kerel ke avna maj but krisa sar kadi kado bersh thaj vi po kaver, phenel o roditori po terorismo o Linus Gustavsson anda Försvarshögskolan.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".