Katarina Taikon ur filmen Taikon
Katarina Taikon ur filmen Taikon

Katarina Taikon-prisa avri dini adjes

"Importantno adjes"
3:15 min

Adjes o 3-oktober del avri o Stockholms stad e Katarina Taikon-priset vaj nagroda ande laki memoracia te vazden thaj te nagrodulin manushen kaj so kheren buchi ande manushikane chachimata.

Adjes avla inkherdi jek festovo cerimonia ando Stadshuset kusa musika thaj eksera habe, thaj avla jek prisa pe 100 000 koroni avri dini.

Ferik vi tena birij e sherutni anda boardo e Sissela Nordling Blanco kaj so del avri e nagroda te purij amenge ando Radio Romano kon lel e prisa adjes, phenel ke adjes si e prisa zurales importatno.

- Ame andam andre kadi nagroda ke adjes si maj importatno sar varekana te tordzol o manush opre anda manushikane chachimata. Kado priso si te vazdas manushen kaj so kheren kadi buchi, thaj specialne ande Katarina Taikonako spirito, ke vorta anda kodo so voj kherlas buchi si vi importatno adjes. Adjes dikhas jek them kaj rasismo thaj zantiziganismo barol, thaj naj musaj te avel kade shaj o manush kherel vareso te shaj kheras jek them sakoneske, phenel e Sissela Nordling Blanco.

E prisa si avri dini vorta e adjesutni data o 3-oktober , ke kado sas o djes kaj e kenvja katar e Katarina Taikon "Zigenerskan" avilas avri ando 1963-bersh. Thaj adjes 53-bersh pala kado avla inkherdi jek festa thaj cerimonia kaj sako bersh avla inkherdi te den nagroda manushen anda bucha sar kaj kherlas e Katarina Taikon.

Avla kultura sikhadini kultura, vorbimata, motivacia sostar kodo manush las e prisa thaj dasa avri e prisa, phenel e Sissela Nordling Blanco, sherutni ando boardo.

Majdur phenel e Sissela Nordling Blanco, ke o Katarina Taikon-priset adjes si zurales importatno ande le romane pushimata adjes. Anda kodo ke but anda le pushimata kaj so sas aktualni thela e vrama kana e Katarina Taikon kherlas buchi, si vi aktualni adjes. Thaj ke laki buchi trobuj te del inspiracia terne manushen te kheren sa kasave bucha. Thaj e Sissela Nordling Blanco, phenel ke loshal ke thela paluni vrama sas e Katarina Taikon vazdini majbut.

- Mishto si kaj sas skirime neve kenvji pa late, filmura pa lako trajo thaj buchi. Dikhas ke si jek baro intereso pe kado, anda kodo ke anda kodo so voj buchazias trobuj vi adjes.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".