Cerra studentura sicion dejaki chib ande skola
Cerra studentura sicion dejaki chib ande skola

Expertkommité: Trobuj dialogo le romensa

"Na dosta lasho kvaliteto"
6:11 min

O Europarådets expertkommitté pe minoritetni chiba si adjes o paluno djes pe jek vizita ando Shvedo.

Kado te maladzon representatonsa katar le nationalni minoritetura, departementura thaj le regeringosa. O gindo si te avel skirime jek nevo rapporto sar e dejaki chib pe e minoritettni chiba site avel inkherdi ando Shvedo.

O Alexander Bröstl si chibengo professoro ande expertoski kommita, thaj phenel kade po pushipe, so kamen tume te len katar kadi vizita kana avel kaj o romano pushipe?

- Pharesij zurales te des atveto pe kado akanak, anda kode ke e romani chib si jek chib kaj naj phangli kaj territoria. Kado naj ke e chib si zurales diferetno, ferik ke kado si jek fakto. E chib si vi sa kade inkherdi ande kaver thema, phenem o professor Alexander Bröstl.

Kaj majdur phenel ke si problemo kana avel kaj o sicharipe ke si dieferetni varietettura kana avel kaj e romani chib.

- Trobuj te shuvas fokuso pe kadal varietetura. So kherde thela paluni vrama la romana chibake nahtik phenav akanak, trobuj anglunes te shunas le diferetni gruppen ke sa kichi than si le savoren, tena das atvetura angla kado phenel o Alexander Bröstl.

Ferik ke sode zutipe birij jek gruppa expertura te den le romande minoritetos kana avel kaj e romani chib ando Shvedo kasave khidimatonsa thaj rapportonsa? O romano linguista thaj etnologo o Gregor Dufunia Kwiek, phenel ke kadi si jek lashi initiativa, ferik ke trobuj man but than le romen anda kadal bucha.

Jek kotor anda problematika kana avel kaj o sicharipe ande romani dejaki chib ando Shvedo si ke but romane shavora chi djan te sichon e dejaki chib ke chi kamen te phenen ke von si rom. O effekto kadalesatr si ke e romani chibi chi cirdel andre studenton, thaj majdur naj o kvaliteto dosta lasho ande but fallura, skirij o Kulturako departemento pala khidimata kusa o romano minoriteto. Vareso so pindjarel o Gregor Dufunia Kwiek.

Adjes si paluno djes kaj e expertoski kommité si ando Shvedo thela lengi duje djesengi vizita, thaj kade acharel o professor Alexander Bröstl:

- Akanak si le problemura ande romani dejaki chib thele skirime ando rapporto, ferik ke kado naj dosta. Trobuj buchi kherdini thaj trobuj te vorbisaras te representatonsa anda kado minoriteto.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".