Carl Johan Folkesson redaktoro po filmo Världen är din - E Ljuma si Tjirij
Carl Johan Folkesson redaktoro po filmo Världen är din - E Ljuma si Tjirij Foto: Adam Szoppe/ Sveriges Radio

E ljuma si tjirij

"Jekh filmo te del inspiratcia e Romen"
3:55 min

Carl Johan Folkesson redaktoro po filmo Världen är din E Ljuma si Tjirij phenel peske ghindura pa filmo.

O filmo si pa romano aktivismo jekh historia khaj sikavel ke romano aktivismo si but buersh ande intrego ljuma kusa jekh internationalno buchi, kado naj feri specificne rom khaj maren pe anda penge chachimata feri but khaj maren pe anda sa e romenge chachimata.

Carl Johan Folkesson phenel ke vov sikavel ando filmo romen so keren buchi thaj maren pe anda romenge chachimata thaj kado si vazno ke kadi historia naj pindjardi bute manushenge ande ljuma.

Vov las e idea kadala buchiasa kana vov kerdas jekh dokumentaro pa e EU-migrantura ando Shvedo, ke atunchi maladjilas vov bute romane aktivistonca thaj vov dikhlas ke si jekh chacho aktivismo mashkar e rom, thaj e romenge chachimata thaj kado sas leske sar gadjo jekh baro nevipe.

Carl Johan Folkesson kerel jekh dikhipe mashkar e rom thaj e kale manush ande amerika so marde pe anda peske chachimata.

Pa e kale manush djanen savori phenel o Carl Johan thaj pa rom chi djanen but.


Vov kamel te del e manushen jekh inspiratcia kadale filmosa ke vov dikhel ke kado si vazno.


Kado filmo si boldo romenca, pa rom thaj e buchi si kerdi ketanes romenca, kadi buchiaki forma naj mindik kana kerel pe dokumentarno buchi, feri kade musaj te avel te avel jekh lashio resultato ke ame e gadje chi nakhlam tumari dukh thaj bi tumaro chi djal kado phenel o Carl Johan Folkesson maj dur.

Jekh anda e ghindura si te pindjarenpe e rom thaj te na acharen ke varisosko rezhizeri boldas jekh filmo anda peski hasna

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".