Höst
Foto: Åserud, Lise

Tomnaki depressia

Kanchi chi kamel pe mange.
3:33 min

O milaj agorisajlas aj das andre ande jek nevi vrama, e tomna. But manush acharen pe maj kiné kana avel kadi vrama. Unienge si kadi vrama drago taj unienke naj, ale so shaj kerel o manush te nakel kadi vrama sar maj feder?!

Ande thema sar ando Svedo kaj kedjol e vrama tunjariko kana avel e tomna peren but manush ande deprecia. Kado problemo naj ande thema save pashlon maj syd.

Jek teoria katar e roditora si ke o melatonin kaj inkrel ande amaro djesesko rytmo si jek faktoro. Jek kaver hypotesa si o serotonin cinjol kana avel kadi vrama. Aj but gindin vi ke za cera D- vitamin si e manushes.

So maj but kerdjol pe ke e manush acharen kiné intrego vrama vi te sute but. Buten vi cirdel kaj o guglipe taj kolhydrater, aj kaj sa kiné acharen pe e manush vi maj pares koncentrulin pe.

Butengo immunovo systemo kerdjol maj choro aj maj sigo shaj len infekcie aj vi kaver nasvalimata.

Ale so shaj kerel o manush te nakel kado sar maj feder.

O manush site pirel sar maj but avral kana inke si djes avral, navet vi te si o djes nuveraslo aj te na hasni okulara vaj colorovi linser, ke e jak kerel ke las andre o udut.

So si mishto si vi te trenuli o manush aj maj lasho efekto si te trenulia o manush avral.

 

 

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".