Naj dosta djanipe pe roma andi Komuna.
Naj dosta djanipe pe roma andi Komuna. Foto: Sveriges Radio.

Ande komune-sociale naj dosta djanipe pe Roma

Ingrid Schiöler experto pe romane puchimta
6:26 min

E Ingrid Schiöler si experto pe romane puchimata voj opral 45 bersh kerdas buchi e romenca ando Shvedo. E Ingrid pindjarol gadi situacia sar but komune vaj sociale keren buchi e romenca kana si varesavo probljemo.

Voj gindi ke mishto si kaj o DO del upre pe krisi e komuna anda Dalarna, thaj phenol ke sa kadala bersh sas phares te sikavel pe e diskriminacia. Feri akana kana si but fakta pachav voj ke o chachipe shaj avel avri.

But var dikhen bange pe romeni kultura thaj dikhen pe romen dada thaj dija kaj naj adekvatne te bajaren pire chaven, kana keren gade motholpe e diskriminacia thaj chi arkhen zutipe vaj solucie maj anglal anen pire decizieje andi komuna kana vorbilpe pa LVU.

Ando intervju ashundam kaj vorbilep kaj ande sociale si expertne grupe so djane tu voj phenda gade?

Me chi ashundem kaj si gade expertne grupe, thaj te kere godo musja te avol tut djanipe kotar odija grupaki kultura e romengi. But var e komune ljen bangi informacia thaj keren generalisera sa e romen thaj anen bange decizie te ljen e chvoren katar pire dija thahj dada, thaj gade but romane chavore hasaren piro kulturako indentiteto kan plasirinenpe ke jever familjie.

Na te bistar kaj sa gade situacie sas vi mashakr javer grupe sar exemplo resande, vaj samiska thaj save konskevnese kerdpe ando ljengo trajo, amen ando shvedo si zakono savo arakhol e minoritien thaj ljengi kultura godo mothol kaj vi ljen si chachipe godoljestar trubul akava akto te avol sar exemplo te motholpe sa so kerdape dji akana.

 

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".