tomte
Foto: O mikelo

Adjes si e Mikola

O Mikulasi adjes resel tumende
5:32 min

Adjes 6 decembro inkrelpe o Sankt Nikolaus djes, savo ginavelpe pala katolsko helgon kalender.

O Mikulasi resel ando sako kher thaj ingrel sako savoreske presento thaj chokolata. De vi somnakune krangi le shavorenge savala chi shunen phe phengi dej thaj dad. Kodolenca mardjonpe phej bul khatar le Mikulaseske krampusa.

O Mikulasi peske krampusenca 6 decemberi sako bers reselpe khaj le shavora. Maj but kado inkrelpe andej katolska thema de sa kade inkrelpe khatar kodola familiji khon adjes trajin ando Svedo de trajinas maj anglal andej katolska thema.

De khoni vov?

Helgonet Nikolaus arakhadjilas karing 270 bers thaj mulas karing 342 bers. Vov sas biskop anda Myra andi cinni Azia savo adjes si o andjesutno them Turkia.

Pa o Sankt Nikolaus phenelpe maj but legendi, anda savala vorbijpe pa jekh laso manus khon zutijas le maj choren.

Jekh andaj legendi phenel o Sankt Nikolaus sudas andre somnakaj ande khaj trajilas jekh chorro manus, kas sas but unzulipe. Thaj kado somnakaj so zutindas les peske sejan the zanel romeste the del thena kerdjon anda lende chore zuvja.

Khana vorbijpe pa o Mikulasi pa lesko lasipe atunchi mindig phenelpe khe vov lazalaspe thaj chi kamlas the phenel khe vov sas kodo khon das le manushen zutipe. De adjes vov resel sako 6 decemberi khaj le shavora peske presentonca. Andi Skandinavia vi thena inkrelpe kado djes sar Mikulasesko djes.

Ande but thema inkrelpe le Mikulasesko djes plane andej katoska thema. De ando Svedo laspe o Mikulasi khetanimasa le kruchunesa. Thaj zukarelpe krechune tha anel le manushenge presento, meg andej avera thema o Jesus si khon avel krechunesko djes.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".