Luludjango marketi

3:16 min

Janos Rodjikov kerlas mindik but buchi thaj ando Skåne.
Jekhdjes sas les chansa te kerel buchi ande luludjango marketi.

Kado si leske zurales drago akanak thaj vov loshal ke vov das andre ande luludjango marketi.

Vov kerel aba duj bersh buchi kadalesa thaj phenel ke naj phari e buchi ke len si manush ando Hollando khaj zhutij len ando handlo e luludjenca.

Pala kodo bishaven von e luludja mashkar e thema ande specialne tirura.

Ande palune bersh line so maj but luludjenge boltsi te holjajven pe maj bare habenge boltsi ke vi von biknen luludja feri o Janos chi dikhel vorta kado problemo ke phenel ke vorta lende djal o biznesi dosta mishto.

O handlari musaj te avel zurales aktivno te djal e buchi mishto ande luludjengo marketi, chi birij o manush te avel kerno thaj reshto feri musaj te kerel aktivno e buchi te khinel pe luludja khaj e maj lashi cimin.

Jekh pharipe vaj problemo so si ande luludjengo marketi si kodo ke o handlo djal krujal diferentne sezonura thaj ande kaver sezonura si dosta pharo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista