Purano patreto anda bersh 1910 pe rom.
Carolo thaj leske cheja, o patreto si lino krujal o bersh 1910. Foto: Agnes Andersson, Alfta. Plåtarna ägs och förvaltas av Alfta Sockens Hembygdsförening.

Sukseso kusa Romane patretura

4:46 min

Romano kulturako centrum inkerdas jekh projekta khetanes kusa Hälsinglands museum khaj kernas buchi te keren digitalizatcia purane patretonca.

Erland Kaldaras anda Romano Kulturako centrum loshal ke e projekta kusa purane patretura pe rom las extra zhutipe.

E projekta djal aba uni bersh mashkar Romano Kulturako centrum thaj Hälsinglands museum khaj von keren digitalizatcia pe purane patretura so si pe Rom.

E projekta sas te khidel patretura pe rom khatar purani vrama zhi khaj e bersh 1960 e patretura si donovane, dine khatar manush si inkerde e purane patretura phende khere.

Erland Kaldaras phenel ke e buchi kusa e patretura nakhlas zurales mishto ke lende avile opral 3000 patretura.

Kadi projekta nakhlas kade mishto ke akanak das Kulturrådet thaj Region Gävleborg extra zhuitpe pe kado thaj akanak kamlov vi o museumo thaj vi o RKC te kerel pe jekh permamentno exibitcia kusa kadal patretura.

Opral 3000 patretura si andre lino ande kadi projekta thaj kado si jekh zurales baro baripe kusa kadal purane patretura.

Purane patretura pe rom anda intrego shvedo, anglunimastar nas te aven e patretura pa intrego shvedo feri anda Hälsingland, Gästrikland thaj Gävleborg feri kana RKC las sama ke e projekta chachimasas si maj bari sar ande kadal trin regioni line von te mangen patretura anda intrego shvedo thaj e patretura sikaven e romen ande but diferentne thana thaj ande but diferentne buchia.

Erland arakhlas vi but patretura pe peski familja.

Vi but kaver rom birina te arakhen penge manushen ande kadal patretura thaj o Erland phenel ke von naj musaj te traden zhi opre ande museumo te arakhen kadal patretura feri dostaj lenge te djan pe digitalno museumo thaj kote birina von te arakhen but anda e purane patretura.

Relaterat

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".