Programo "Ketanes"
Programo "Ketanes"

Adjes lel pe romano musikako programo

6:44 min

Adjes marcine o 29 augusti 22.15 chasongo po kanalo SVT2 si e premiera po romano programo Ketanes/ Tillsammans.

E seria kaj djal ande shov kotora djal avri pe kodo ke maladjon duj musikura thaj kheren djila hamime kusa romani thaj shvedisko kultura.

O rom o Domino Kaj kherdas buchi sar redaktoro kadala seriasa thaj phenel amenge kade kana ame anda Radio Romano kherdam lesa intervju.

E tema po programo Ketanes vaj Tillsammans sar kaj bushol shvediska djal avri pe kodo ke la musika naj granica kana romani musika si hamime kusa shvedisko pop. Kado si pa diferetni historiji thaj hangura, ferik ke du diferetni artistura si le jek kurko khetane te kheren vareso khetane ande musika.

Ferik ke te avel romani influcia thaj kultura sas andre lino ande buchi o rom o Domino Kaj, kaj so zutisardas le konceptosa.

O gindo pala programo si ke e romani musika thaj e shvedisko musika site maladzol kana duj artistura si le jek kurko te kheren djili te kheren jek djili, jek unikato kaj pala kode von "Khetanes" si te djilaben thaj te sikhaven opre.

Kado si importatno kana avel kaj e e romani kultura ke si jek baro kotor e musika, phenel o Domino Kaj kaj so jekzeno si jek romano musiko.

Ando programo si gindo te aven andre shvediska thaj romane artistura sar exemplo Oscar Zia, Kristin Amparo, Martin Stenmark, Svarta Safirer, Tanja Hagert thaj e romani gruppa e Bahtale Roma thaj o gindo si ke kadal manush kaj so si professionalni musikura site kheren thaj te djilaben musika kaj so von kherde khetanes.

Ferik ke o rom o Domino Kaj kaj so kherdas buchi sar redaktoro ando programo, phenel ke kado si majbut sar ferik ke lasho programo kaj si interesno te dikhes. Vov acharel ke kado si importatantno ke sikhavel romani kultura thaj musika thaj kado vazdel djanglipe mashkar manush thaj kherel ke kam avla maj cera diskriminacia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".