Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
O Roma Vakeren - Romani redaktcia
O Roma Vakeren - Romani redaktcia Foto: Veli Brijani/ Sveriges Radio
Lyssna
(8:09 min)

O Roma Vakeren

Publicerat tisdag 12 september 2017 kl 11.08

O Roma Vakeren si jekh anda e maj purane romane redaktci ande media ande Europa.

De khatar o bersh 1992 kana e Romni Jarmila Balazova las te kerel buchi ande tjehicko radio kerdjilas e romani redakcia ande Cesky Rozlas - Radio Zurnal.

Akanak ando bersh 2017 trajij e romani redakcia o Roma Vakeren maj dur.

E redakcia mukhel 3 emisi ando kurko duj khaj si kerde ande produkcia thaj mukhle po internet thaj pe regionalne thana thaj jekh khaj djal direktno ande intrego Tjeho.

E romani redakcia naj bari kana dikhel pe po internet si von te aven 9 manush feri ande praktika ande chachi buchi si von 3 vaj 4 djene.

Savori naj rom thaj e buchiaki chib si tjehicko chib.

Adjes si e Iveta Demeterova producentka ando programo thaj voj phenel ke e programura djan mishto ande tjehicko radio feri ke e buchiaki chib si tjehicko chib.

Thaj e dosh khaj kodo si ke but rom chi djanen te vorbin romanes.

E rom chi djanen te vorbin romanes, feri e vlahura djanen, phenel e romani redaktcia.
Feri kodo naj intrego chachipe, but rom djanen te vorbin romanes feri garaven pengo romanipe thaj but chi kamen te vorbin romanes phuterdes.

Ando Tjeho vorbij pe but ke e rom hasaren pengi romani chib.

Ame anda Radio romano dasas amen ghindo... Naj atunchi jekh romano radio jekh drom te na hasajvel e romani chib thaj te acharen pe e rom maj zurale ande pengo identiteto te avla e romani chib maj but shundi ande media?

 

E rom shunen amen, phenel e Iveta... Thaj chaches zurales but rom shunen pe lende feri o problemo si ke e chib si tjehicko.

Chi keren tume jekh asimilatcia pe romani chib ando tjeho, pushlam ame thaj e Iveta kerdas anda shero.

Problemo si ke von musaj te keren radio savorenge na feri romenge ande Radio thaj e Iveta zumavel te phenel po dujto ke von chi djanen mishto romanes.

Kana ame vorbisarasas e romana redakciasa phenenas von ke but nationalne minoritetura mukhen penge emisi, feri ke vi von musaj te vorbin tjehicko chib.

Feri na e njamcura, von birin te vorbin pe njamcicko chib ando radio.

Kana ame dikhasas shvedickone jakhenca mezijas kado ekcera chudno feri kado naj chudno ando tjeho.
E nationalne minoritetura so mukhen radio emisi musaj te vorbin pe tjehicko chib, ke kade mezi e transmisiako shajipe - sändningstillståndet..

Ande Televizia si e situatcia kaver phenenas von ke kote shaj te shiol pe texto pe tjehicko chib ale ando radio si kado maj phares.

E situatcia si ekcera maj kaver ando Tjeho kana dikhel pe pe romani media.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".