Valförrättning i Brännkyrka kyrka i Stockholm. Kyrkovalet 2013.
Kyrkovalet 2013. Foto: JONAS EKSTRÖMER / TT

Soj kodo kyrkovalet, thaj sar kherel pe?

5:04 min

O kyrkovalet si khangerake alosarimata kaj sako shtarto bersh thela jek ocazia shuvel le intsansura kaj so len decisiji ande Shvedisko Khangeri.

De sar e Shvedisko Khangeri ando 2000-bersh pharudas peski relacia karing o them thaj aba naj phangle, si akanak la khangera jekzena e responsibilita ande peski vlasni alosarimata, kaj adjes si direktni pe intregi levelura.

O Kyrkofullmäktige si o maj ucho organo vaj kotor anda khangeri kaj lel decisiji pe jek lokalno levelo ande le diferetni pastoratura. Stiftsfullmäktige si jek kotor anda regionalno levelo, o stiftet kaj si les buchi te supportulij le pastoraton. Kyrkomötet vaj e Khangerako khidipe si la Shvediska Khangerako maj ucho organo kaj so lel decisiji pe jek nationalno levelo.

Te djasa palpale ande historia eksera dikhas ke zi kaj o 1994-bersh sas inkherde le direktni khangerako alosarimata ando oktober shon sa kodo bersh sar le normalni politicni alosarimata, thaj e mandatoske periode sas de katar o 1970-bersh anglunes trin bersh. Ando 1994-bersg sas alosardo o kyrkofullmäktige pe trin bersh kodi vrama, kana e mandatoski perioda ande politicni alosarimata atunchi sas parude pe shtar-bersh.

Kadalesa sas pharudo te aven le khangerake alosarimata ando september ando 1997-bersh pe jek mandatoski perioda pe shtar bersh, kado ke le politicni alosarimata nas te aven inkherde sipon 1998-bersh. O gindo sas te aven alosarimata thela diferetni bersh maj angle thaj o pharujipe katar themeski kaj jek maj vlasno khangeri sas te avel kherdino kusa representantura kaj sas te len udzalo ande kado pharujipe.

O 16 september ando 2001-bersh sas e angluni data kaj e khangeri inkrelas peske vlasni alosarimata, thaj kadi vi sas e angluni data kaj le alosarimata ando stiftsfullmäktige thaj kyrkomötet kherdzile direktni, ke angla kado sas kadal organura alosarde indirektnie pa elektorura ande le pastoratura. E mandatoske periodi sas atunchi vi shutine pe shtar bersh.

Pala kado sas e khangerako alosaripe o 18-september ando 2005-bersh, o 20-september ando 2009-bersh, 15 september ando 2013-bersh thaj akanak kurke 17-september. Ando 2011-bersh las e decisija o kyrkomötet ke duj anda lenge representantura site avel alosarde katar e kyrkoråden Svenska kyrkans utlandsförsamlingar, vaj la Shvediska Khangerake avrithemutne pastoratura.

Ande le direktni khangerake alosarimata si ulade le mandatura propotionalnie pala e listi pe kandidatura. Kadal listi pe kandidatura si shutine khetans katar nominaciake gruppi, kaj shaj phenes ke si sar politicni partiji.

Anda kode ke e Shvedisko khangeri sas phangli kaj o them sas vi le sekularni partiji de sar o 1930-bersh jek kotor anda le khangerake alosarimata. Ferik ke thela paluni vrama cirde pe palpale unji anda kadal partiji thaj sas khetane khidine but nominaciake gruppi pala khangeri.

Te avel manushes prava te glasulij ande le direktni khangerake alosarimata musajij te aves membro ande e Shvedisko Khangeri, skirime ando Shvedo thaj maj thele 16-bershengo te aves kodo djes kana si le alosarimata. Ando alosaripe kado bersh zanchij kado ke kadal informaciji si line anda khangeraki registra ando agusti shon.

Ando Shvedo si ginado katar e Shvedisko Khangeri ke si cirka 5,2 miljonura manush kaj so si le prava te glasulin kaj si membrura ande khangeri. Thela paluno alosaripe ando 2013-bersh glasulisarde cirka 700 000 membrura. Kodol manush kaj si le prava e alon ande khangeri len khere peske alosarimaske kartji po agor ando agusti shon, thaj pe kodol vi si informacia ande savo alosarimasko lokalo shaj glasulij o manush thaj ande save alosarimata shaj shol o manush pesko glaso.

Pe kadal kartji vi si informacia ande savo lokalo shaj maj sigo des chiro glaso vaj förtidsrösta sar kaj bushol. Thaj pe Shvedisko khangeraki internetoski patrin si informacia kaj shaj rodel o manush pesko alosarimasko lokalo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".