Länsstyrelsen si te dikhel vajkado shaj nakhel sar zakono.
Länsstyrelsen si te dikhel vajkado shaj nakhel sar zakono. Foto: Björn Lindgren/TT.

Adjes avel e decizia pa mangitora

2:49 min

Feri zhi pun kadi decizia birij te lel zor musaj e decizia te nakhel pa Länsstyreslen, von si te dikhen vaj kado shaj te nakhel sar jekh zakono.

Te aceptulija o länsstyrelsen e decizia so Vällinge komun kamel te kerel te avel ilegalno o mangipe kote pachav ke vi ame lasam kado propozalo amende, phenel o Torkild Strandberg khaj si anda Liberalerna thaj sherutno ande komunaki borda ande Landskrona.

Vov phenel ke lede ande Landskrona si bare problemura kodole manushenca khaj mangen love ke von beshen pasha sako jekh bolta thaj kado sikavel jekh choro signalo e narodoske.

Ande Vällinge komuna tordjion Moderaterna, Liberalerna thaj Sverigedemokraterna khetanes pala kado propozalo te avel o mangipe pe droma ilegalno.

Kadal trin parti inkren 39 anda 51 mandatura ande komuna.

Carina Wutzer si komunalråd ande Moderaterna ande Vällinge thaj voj phenel ke voj las sama ke but attentsia vazdas pe krujal lende thaj voj phenel ke voj ghindoj ke kado si positivno ke kado sikavel ke e politikura troman te vazden vi e phare pushimata ando Vällinge.

Angela Everbäck anda Miljöpartiet ande Vällinge si negativno karing kadi buchi thaj phenel ke naj chachimasa kasavo problemo kusa kadal mangitora ande lengi komuna.

Naj maj but sar shtar vaj pansh djene thaj voj chi acharel sar kado shaj te holjarel e manushen.

Akanak si Länsstyrelsen ando Skåne te dikhel perdal kadi buchi ande Vällinge thaj te nakhela kado propozalo shaja te tsirdel pe kado khatar 3 kurke zhi khaj 2 shon, feri shaj te avel vi kade ke Länsstyrelsen malavela tele kado phenel o Mikael Ringman khaj si pressansvarig ando Länsstyrelsen.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".