barn internet
Foto: TT

Duje bershenge shavora hasnin o Internet

4:41 min

Ando Svedo 79 % anda e chavora kaj si 2 bershenge taj pravie sa e chavora kaj si 6 bershenge hasnin o internet. Kodo sikavel jek raporto katar o Internetstiftelsen ando Svedo.

Sar avilas o Ipad hasnin so maj but cine chavora o internet, kado kerdjilas sar jek explozia kado kerdas e Appar kaj si kerde maj letko te shaj hasnin le e chavora. 

Kana avilas o Iphone nas kade, ke e telefonura dosta kuch sas aj e deja taj dada chi mekenas lenge chavora te hasnin le, adjes si Ipads ande sako kher univar navet po duj.

E chavora diken po Youtube, diken po barnkanalen aj kelen spelura.

E Chantell si jek terni dej tuje cine chavora.

Kodol kaj si karing le 11 bersh hasnin maj but o mobilno telefono, ke pravie sakone shavores si telefono ande kodol bersh.

Taj adunchi hasnin o internet kaver sar, keren maj but komunikacie bichaven meddelande taj hasnin but o Instergram.

Ando 2017 bersh avilas avri jek raporto kaj e svedura dine pesko atveto pa källkritik, källkritik si te biris te des pe dosh so si chaches po internet aj so naj.

O resultato sikadas ke shavora kaj phiren po mellanstadiet sichon ande skola pa källkritik.

Taj ternimata kaj piren ande gimnazia penen 80 % ke zanen pa kodo.

Maj phure manushenge maj phares si te den pe dosh so si chacho po internet aj so naj.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".