Raserat hus.
Phagerde romane khera bi permisiako ande Bulgaria. Foto: Johanna Melén/Sveriges Radio.

Bulgarisko ministro convictovano anda xenofobia

3:28 min

Ande Bulgaria barol e dar mashkar le themeske rom pala kodo ke but extremicni nationalistura line than ande themesko regeringo.

Na domut jek anda lende sas convictovano anda xenofobicni kommentarura vaj hets mot folkgrupp sar kaj bushol pala kodo pe phendas ke romane djuvla si sar zukel pe vulici.

- Kadal kommentarura nashtik acceptulisaras, ferik ke kado site ashel pe leste. Ame chi das supporto pe chi soski xenofobia karing etnicno gruppa manush, phenel e Liljana Pavlova, kaj si ministerka ande Bulgariako regeringoski maj bari partia Gerb, pa o vice premier-ministro Valeri Simeonov, thaj e xenofobicni kommentara kaj mukhlas pa rom.

Pavlova si vi ministerka kusa responsibilita pe Bulgariako Eu-mandato thela anglune shov shon po kaver bersh. Ferik ke e voj vi phenel ke sako manush si kodoleski responsibilita te inkrel pe kado sar kaj achares ke si mishto.

Pala parlamentosko alosaripe angla milaj kado berhs kherdas laki partia o Gerb, thela o premier-ministro Bojko Borisov, jek koalitija kusa trin xenofobicni thaj nationalisticni partiji kaj ghele khetane ande Förenade patrioter vaj Phangle patriotura.

E sherutne anda kadi grupppa vi kherdzile pindjarde anda rasisticni kommentarura, majbut karing e rom ande Bulgaria.

Thela jek vorbipe anda parlamento de trin bersh palpale phenlas o Valeri Simeonov pe le rom ande Bulgaria si nonchalantni thaj violentni dopash manush kusa shavora kaj khelen pe balensa pe vulici thaj ke le romnja inkren pe sar vulicake zukel.

Kadal kommentarura sas opre dine katar duj journalistura kaj si rom, thaj o paluno kurko phendas jek krisi anda östra Bulgaria ke o Valeri Simeonov, phaglas e diskriminakiako zakono thaj ke vov ande vrama maj angle nashtik phenel similarni kommentarura.

O Simeonov jekzeno mangel te kherel jek apelacia pe kadi decisija thaj puki zukarel vov thaj kaver membrura anda partia pe agorutni decisija katar e krisi len pe von sama pe peske kommentarua.

Opruch ke o Valeri Simeonov si o vice premier-ministro ande Bulgaria sas vov alosardo angla milaj vi sar sherutno ande Bulgariako nationalo concilo po etniciteto thaj integracia.

O Deyan Kolev kaj si sherutno pe maj bari romani organizacia ande Bulgaria, phenel ke kado nashtik avel acceptovano ando them.

Puki o concilo si inkherdo katar o Valeri Simeonov e romane organizaciji ando them kheren protesto vaj bojkotta lengi buchi. Ke xenofobicni representantura si ando regeringo si normalno ande politika, phenel o Deyan Kolev. Majdur vi phenel ke maj normalno kherdzilas ke phagren romane khera bi permisiako.

Ande Bulgariako sherutno foro Sofia tordzol o Zaprjan Kostov thaj e Sofia Petrova ande ruini pala lengo phurano kher. O paluno kurko trajisarde von ande jek cerha kusa pesko trine bershengo shavo.

- Ame sam sa kodol manush, has sa kodol bajura. E jek diferencia si ke amen naj love thaj sam chorora, phenel o Zaprjan Kostov.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".