Sjukhus.
Foto: Nick Näslund/Sveriges Radio

But manush jek problemo ande bolnjici

3:15 min

O paluno kurko detehara sas jek larmo dino kaj e policia te aven ando länssjukhuset vaj e bari bolnjica ando Kalmar

Kado te inkren pacha kana but manush kamenas te den ande bolnjcia pala kodo ke jek manush mulas. Sikhadzilas ke kadi gruppa ferik zumavenas te inkren peski romani tradicia, thaj te sikhaven pachiv thaj romanipe ke varekon mulas.

O Peter Göransson si marketosko chefo ando Fonus, thaj phenel kado ando P4 Kalmar.

- E familja te inkherdzol khetane si zurales importatno ande romani kultura, kana djal o lishipe shaj kado avel but djes, phenel o Peter Göransson anda Fonus.

Kana varekon merel vaj si nasvalo ande romani kultura si normalno ke khiden pe bari gruppi manush ande bolnjici. Kadi si jek romani lungona vramaki tradicia kaj le rom sikhaven kamipe thaj respekto jekh kavreske ande phari situacia. Ferik ke ande spiti vaj bolnjici shaj kado majdur avel jek problemo jiva pe but thana las o personalo edukacia ande kado.

Ferik ke o Peter Göransson anda Fonus phenel ke kado kaj aven but manush si jek diferencia ande kultura thaj so trobuj si jek acharipe mashkar le kulturi.

- Sar but kaver bajura trobuj te avel ame jek dialogo pa kado. Sar kaj djanas sam hamime kulturi kaj kaveres kheras kana varekon merel, thaj atunchi trobuj kade kherdino sakoneske te avel mishto, phenel o Peter Göransson anda Fonus.

Kaj majdur phenel ke vov acharel ke si jek shukar thaj lashi tradicia kana but manush khiden pe te seren varekas kaj mulas.

Ando Shvedo dikhas ke thela palune bersh dopash kherdzile kodol manush kaj so len udzalo pe jek prahope. Me gindoj ke ame birisaras te sichuvas vareso katar le diferetni kulturi kaj so si kana avel te las sama pala amare mule te seras le thaj te inkras ceremoniji. Kado si vazno kana avel kaj o trajo, phenel o Peter Göransson marketosko chefo ando Fonus.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".