Johanna Lindqvist si jekh anda kodol so vazdas kado opre.
Johanna Lindqvist si jekh anda kodol so vazdas kado opre. Foto: Dean Hochman/Malin Grönborg

#deadline

3:16 min

Akanak vazden pe opre e journalistura ando Shvedo thaj arachi skirisarde opral 4000 journalistura telel pe jekh nevo hashtag #deadline.

Sexualno nasulipe vaj kaver nasul astaripe vaj sexismo si vi kote khaj ame keras buchi, kado kerel pe vi amende khaj e journalistura, kado si jekh problemo khaj si akharkhaj, phenel e Johanna Lindqvist khaj startulisardas arachi o nevo hashtag #deadline te sikavel ke si kado nasulipe vi ande journalistongi brancha.

#deadline si o maj paluno hashtag ande kado so sikavel o #metoo.

Ando Shvedo khide pe djuvlia aba khatar 20 diferentne branchura khaj von beshen thaj vorbin pe khetanes pa kodo so von nakhle thaj te keren khetanes protesto karing kadal nasul sexualne buchia.


Ande kadi journalistongi buchi #deadline phenen e djuvlia khaj si journalistura sar von nakhle.
Thaj von skirisarde ke nakhle sexualne invitatci pe zor zhi khaj ke mursh kerde zor pe lende.

Kodo so dichiol ande kadi buchi si ke butivar nakhen terne djuvlia khaj naj len inke jekh sekurno buchi khatar maj pure mursh so aba beshen pe lashie pozitsi.

Vi te si opral 4000 djuvlia so skirisarde telal si zurales but journalistura so chi skirisarde ke te skrina von telal chi birina von te keren jekh chachi journalistovo buchi.

Chi pachalas pe ke kasavo zurales baro responso avla khatar e journalistura phenel e Johanna Lindqvist khaj startulisasrdas kado arachi po Facebook.

Chi pachasas ke kade but djuvlia skrina arachi thaj lam sama ke but manush si chudake ke kado dichiol ande komentarura thaj lam sama ke mishto sas e djuvliange khaj birisarde te putren pengo hjilo thaj te mukhen kado avri ke kado trobujas len, phenel e Johanna Lindqvist.

Voj kamlov kadi buchi akanak te kerel ke e mursh khaj keren kado ke astardjion thaj keren nasul sexualne invitatci ashaven kadalesa thaj te ghindon e firmi sar te keren te ashiaven kadal bajura ande lenge firmi.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".