Två personer sitter och ligger i en säng och ser nedstämda ut. En profilbild på en person som knappar på en mobiltelefon.
E manush po foto naj phangle kaj o artiklo. Foto: Sandra Quist och Fredrik Sandberg / TT

Hallicko arakhlas la "Sara" ande shkola

2:56 min

Zurales kriminalni manush kaj pen draba, internationalni hallickgruppi, thaj jekzene mursh si kodol manush kaj si pala prostitucia ando Shvedo.

O P1-programmo Kaliber dikhle pherdal trin bersh convictura phangle kaj traficking thaj manushikano sexualno handlo.

Jek anda kodol kaj nakhle kado sas e "Sara" anda Rumunia kaj chachimasa si la kaver anav, voj sas prostituvano ando Stockholm duj berhs thaj phenel ke daralas sako djes anda pesko trajo.

- Kado sas sar te aves jek stato bi jekhe duhosko, phenel e "Sara".

O programmo Kaliber dikhle pherdal intregi fallura kaj si phangle kaj traficking thaj manushikano handlo thela palune trin bersh. Von dikhle pe intregi convictura, ezera patra rhodimasko materialo thaj vi kherde intervjuciji manushensa.

Totalnie si kado pa 42 djene kaj sas kaj sas convictovani anda kriminalitetura phagngle kaj prostitucua vaj manushikano handlo.

Kado si sar exemplo pa jek zurales kriminalno manush kaj mangelas peskira phara djuvla te biknel pe, pe vulica, jek djuvli kaj inkrel jek thaimassagesalong, jek dat cine shavorengo kaj shoha nas convictovano, kaj kherdas terne djuvlora te biknen pe, thaj jek hallicknätverko ando Rumunia kaj anel terne djuvlan ande kavera thema kusa e varba ke avla le jek maj lasho trajo.

Ande dopash anda fallura o hallicko bikindas peske partneros, thaj univar dichol ke o mursh las kontakto la djuvlasa le gindosa te kherel love pe late.

Kade sas la Sarake, kana voj sas 17-bershengi maladzilas voj jekhe maj phure murshesa kaj sas angla laki gymnaziaki shkola.

- Dem ma gindo ke shukar manushij, ke lashoj. Ke sas jek lasho mursh, phenel e Sara.

Von kherdzile jek para thaj voj angluno razo ande pesko trajo achardas pe ke varekon dikhel la thaj kamel la. Ferik ke kana pherdzilas 18-bershengi las o mursh te shuvel presso pe late, te biknel pe.

Lako mursh phenlas lake sar voj ferik pari shon kherdov buchi te shaj avel la jek lashi futura. Trin mursh anda sa kodo foro ande Rumunia kaj sas ande sa kodi gruppa biknenas la Sara ando Stockholmo.

- Kherdas jekh shukar patreto pe kado trajo, phenel e Sara.

E gruppa kherde maj thele jek miljono koroni thela kodol 10-shon kaj khernas peske businessura. Thaj e krisi ginavel ke kado sas slabo ginado.

Le mursh line convictura anda koppleri respektivnie grovt koppleri, jek kriminaliteto kaj znachij ke varekon kherel love pe kodo ke manush prostitulij pe.

Le convictura, kaj o kaliber dikhle pe lende, si vi andre 70 kaj sas bikinde, majbut djuvla. Ande shtar fallura si kado pa shavora kaj sas thela 18-bershenge. Duj anda djuvla vi sas phare kana sas musaj lenge prostituca katar pesko halicko.

De pari shon las e Sara zutipe te avel avri anda prostitucia thaj akanak kamel voj te kherel peske studiji maj angle.

Ljudklippet är från avsnittet
Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".