Finlandisko redakcia Sisuradio loshan adjes kana Finlando pherdzol 100-bersh
Finlandisko redakcia Sisuradio loshan adjes kana Finlando pherdzol 100-bersh Foto: Malenka Siwak/Radio Romano

Finlando adjes 100 bersh indipentni

2:58 min

Adjes pherdzol o Finlando 100-bershengo sar jek indipentno vaj vlasno them.

O shovto december and 1917-bersh kherdzile indipentni katar e Russia thaj adjes ando sherutno foro Helsingfors zukarel but celebracia.

100-flagi sas vazidne ande adjesutni celebracia pe 100-bershengi natcia, kana o baro festo las pe po Salutorget ando Helsingfors arachi marcine rachi. Thaj le buldingura kaj si pashe sas sas urale ande parni thaj vuneta lampi, manush kaj so trajin ando foro phiren pa o Salutorget kusa peske vlasni flagi thaj ballonura.

Thaj jek mashkar but djene kaj zurales loshal adjes kana o Finlando pherdzol 100-bershengo si e Laura, kaj phenel ke voj si dumno kaj avel anda Finlando.

Jek manush kaj si la invitacia pe recepcia pindjardi sar e djizako balo vaj o slottsbalen, si e Bicca Olin kaj si e sherutni ando Finlands Svensk Skolungdomsförbund. Voj anglunes loshajlas kana e invitacia avilas ferik ke pala kode las panika ke chi zanelas so te lel pe peste. Akanak voj loshal te dikhel interesatni manushen thela festo.

- Muri nadzea si te maladzuvav interesatni manushensa. Me zurales loshav ke o presidento akhardas kade buthe terne manushen kado bersh, avla marimaske veteranua hamime kusa studentonge organizaciji thaj kado si shukares, phenel e Bicca Olin.

Kaj majdur si laki nadzea ke e emocia katar o slottsbalen avla achardi ande intrego Finlando thaj vi pherdal e themeske granjici.

- Me kamav intregi finlanderura kaj trajin ando Shvedo thaj ande kaver thema te acharen ke vi kado si lengo. E tema kadale bersheski sas savore khetane thaj me kamav intregi kaj si le varesavo phangloe kaj o Finlando te acharel kado kado bersh si amaro khetane.

Ljudklippet är från avsnittet
Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".