ُEn man skjutits till döds i Rinkeby 20180109
Foto: Firas Jonblat/Sveriges Radio

Pushkajimata ando Rinkeby

5:03 min

Jekh therno morsh sas pushke dino ando shero mashkar but manush vi phure thaj vi familiji shavorentsa ande jekh pizzeria ando Rinkeby centrum.

 

Lojine rachi sas pale jekh baro tumulto ando Rinkeby,pala jekh pushkajipe kaj mudardas jekh 25 berhengire morshes, thaj feri de desh djes kodoleske inke jekhe 20 bershengire morshes dine sas pushke kaj mulas, thaj sa ando Rinkeby.

Lojine kerdaspe kado sa ande jekh pizzeria kaj beshenas perdo manush vi maj pure thaj vi familiji shavorentsa dikle kana duj morsh inkrenas o vudar le tritone zeneske, kaj das andre ande maska thaj das le morshes pushke ando shero, le duj mudarimatat kaj sas kerde si akana tela vestegasia te diken chi si varisar pangle.

Akana si jekh baro risiko ke shaj avna inke neve pushkajimata ando Rinkeby tena arakena le doshales kaj dasas pushke lojine, penel o kriminalogo Sven Granath.

 

O kriminologo Sven Granath, penel ke kana si kasave pushkajimata, thaj chi hushilde le doshales, si zurales bare risikora ke pale shaj avna pushkajimata ke kamen te den palpale, thaj ke kasavo risiko shaj inkrel dji kaj le duj bersh.

La policia inke naj konik po gindo kaj kado pushkajipe, ale roden maj dur swjatkon kaj kado incidento. O Sven Granath kaj si vi analytiker ando polismyndgheten ando Stockholm penel ke si jekh bari dar mashkar e manush te purin avri so diken ando Rinkeby, ale kado si vi ande kaver forora kaj si baro kriminaliteto, thaj kado penel vi o Christoffer Bohman kaj si biträdande chefo pe polica ando Rinkeby.

 

O Christoffer Bohman penel ke si zurales pharo le privatni manush te zutin ande ruzni nasolimata ando Rinkeby konik chi kamel te pusrij avri ke daran, thaj e policia kerel buchi oud te zurarel pesko pashape mashkar e manush, ke la policia truboj zutipe katar e citezentura te shaj pagen kado nasolipe kaj kerdjolpe akana ando them.

O justitieministro Morgan Johansson penel ke vov gindoj ke djal te pages o kriminaliteto kaj so kerdjolpe ando Rinkeby thaj vi ande kaver forora ando Stockholmo te kerena buchi sa kade sar ando Göteborg thaj Malmö.

 

O justitieministro Morgan Johansson penel ke si zanglipe sar shaj kado ashaven, ale ke truboj te den pe maj but zhor thaj te keren buchi naprochiv le gruppi.

But manush kaj trajin ando Rinkeby chi kamen chi te den atvetora, thaj vi kana len jekhcera troma ande peste sajek kamen te aven anonyma, sar jekh kaj penel ke trubojas o them te ushel opre, te keren variso , ke kado si tragedia, shavora meren.

 

Kate shundan so pendas jekh morsh kaj trajij ando Rinkeby thaj kaj kamel te avel anonym. Mashkar pashti 16.000 manush kaj trjin ando Rinkeby si but rom, shunas sar von acharenpe kaj trajin ando Rinkeby.

Ljudklippet är från avsnittet
Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".