Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Det brinner i en industrilokal. Giftig rök sprider sig österut mot Giraffens köpcentrum. Alla som befinner sig i området bör bege sig därifrån. Boende i området uppmanas att gå inomhus och stänga dörrar, fönster och ventilation. För mer information lyssna på Sveriges Radio P4 Kalmar.
(Publicerat idag kl 17.16)
Nyheter och program på romani
Foto: TT.
Foto: TT.
Lyssna
(4:15 min)

Trobusardov enviromentiake zoni ande forura?

Publicerat tisdag 13 mars kl 13.00

Preliminarni siffri anda 2017-bersh sikhaven ke majdur si uche levelura kvävedioxid ande but forura ando Shvedo, jek toxicno gazo kaj avel katar diesel-vurdona.

Ande forura Stockholm, Göteborg, Umeå thaj Uppsala sikhadzilas ke e limita sas nakhli majbut sar 20-djes, sikhaven prelimenarni siffri o resultato kaj avel katar e mirimata katar e vlasni komuni. o Ekot line kontakto le komunensa kaj thela but bersh sas le za uche levelura kvävedioxid.

 O normaliteto kana avel kaj o kavliteto pe enviromentia phenel ke thela efta djes thela jek bersh nashktik le levelura kvävedioxid vaj nitrogen dioxide sar kaj bushol pe englishisko chib te aven opral e 60-mikrogrami pe sako kubik-metro lufto. kado znachij ke te si ke majbutivar si za uche levelura sar kaj si slobodo si kado illegalno.

O Christer Johansson kherel buchi sar rhoditori thaj jek anda leske bucha si te dikhel pherdal o luftosko kvaliteto thaj kherel buchi ando Stockholms stad. Vov phenel ke o lufto maj lashoj sar sar kaj thela 90-bersh, feri ke sajek naj kade losho o kvaliteto sar kaj gindonas atunchi.

- Ame ginadam ke ando 2000-bersh ke avasa kaj o levelo kvävedioxid sar jek normo kade sar kaj shutan amaro goalo, ferik ke sikhadzilas ke nas kade. Pala amare modellura sar slabo dikhlam pe levelura kaj so si avri mukhle, kade shaj phenas. le vurdona nas kasave lashe sar kaj ginadam ke avna.

- Dikhasa chi ande futura, chi avla ame maj effektivni enviromentiake zoni vaj miljözoner, phenlas o Christer Johansson, luftosko rhoditori ando Stockholms stad ando Ekot.

Miljözoner vaj enviromentiake zoni si jek zolucia kaj shaj shuvel jek limita pe sode toxicni levelura substansura si avri mukhle katar le vurdona ande le bare centralni kotora ande unji forura. thaj vi angla kado si ande but foroske kotora enviromentiake zoni pe bare vurdona sar tirura vaj bussura, ferik ke adjes ginavel ke o maj baro kotor anda le toxicni levelura kvävedioxid ande lufto ande forurua avel katar diesel-vurdona vaj matori.

O regeringo phende ke kamen te kheren te avel maj letko ande komuni te anen andre enviromentiako zoni ande peski vlasno komuna kana avel kaj diesel-matori. Ferik ke zipon so chi avilas varesosko proposalo katar o regeringo.

Numa jek pushipe kaj si ande kadi processa si sode anda le foroske kotora vaj le orter kaj si le za uche levelura kvävedioxid kaj chachimasa kamen vaj shuvena enviromentiake zoni? Thaj siffri sikhaven ke o politicno majoriteto ando Stockholmo kamen kado.

Ferik ke ando foro Göteborg naj varesave planura pe kheren enviromentiake zoni, phenel o trafikkommunalrådet Johan Nyhus (S).

- Ame chi acharas ke si varesavi kasavi buchi, thaj te si ke kamen vareso kasavo te anen andre kamlemas te dikhav maj virazni descripcia so shaj aven o konsekvenso kadalestar. shaj phenas buthenge te traden kusa kollektivno trafiko, ferik ke na sakoneske. thaj atunchi tena avel slobodo manushenge te traden ande unji kotora le foroske, chi achardzol vorta, phenel o Johan Nyhus.

Na domut kodoleske avilas jek verdicto katar o Njamco tena avel slobodo diesel-vurdona te traden ande centralni kotora le foroske te protectulin manushengo sastipe karing za uche levelura kvävedioxid.

Ljudklippet är från avsnittet
Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".