Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

"E Kalyi Jag ishkola" ando Budapest

Publicerat tisdag 10 april kl 14.18
"E Kalyi Jag ishkola" ando Budapest
(11 min)
Ljudklippet är från avsnittet
Gustav Varga anda "E Kalyi Jag ishkola"
Gustav Varga anda "E Kalyi Jag ishkola" Foto: Rikard Jansson/Radio Romano

O rom o Gustav Varga si ando Ungro jek pindjardo manush anda but bucha sar exemplo anda internationalno musikalno gruppa Kalyi Jag anda Ungro.

Numa de opral 25-bersh kodoloske phuterdas o Gusti vi jek romani shkola ando Budapest sa kodole anavesa "E Kalyi Jag ishkola" kaj sicharel romen thaj na romen ande diferetni subjektura krujal intrego Ungro de katar e musika zi kaj e romani chib.

Kade phenlas vov amenge pa lengi buchi kana ame anda Radio Romano samas ande "E Kalyi Jag ishkola" ando Budapest.

O Gusti Varga opral e 25-bersh inkrel e "E Kalyi Jag ishkola" ando Budapest, numa leski entuciacia kaj dichol kana vov phirel krujal thaj sikhavel mange e shkola mezij ke o paluno kurko phuterdas la.

Krujal e 1600 kvadrattovi metri la shkolake si pherdo romane artisticni bucha, fotografiji pe studentura kaj so phirde thela le bersh thaj dichol ke si jek barvali edukaciaki thaj romani kultura krujal intrego shkola.

Jek dumno thaj loshako Gusti phirel krujal thaj sikhavel le diferetni fotografiji pe studentura kaj so nakhle e "E Kalyi Jag ishkola" thaj save diferetni bucha si le adjes. Nua phenel ke generalnie sajek naj le romenge letko kana avel kaj e edukacia thaj bucha ando Ungro, anda diskriminacia.

Majdur phenel o Gusti Varga, ke vov dikhel sar thela vrama e "E Kalyi Jag ishkola" das jek effekto mashkar le rom thaj vi gaze ando Budapest ke si jek maj baro toleranso thaj khetanipe mashkar diferetni romane gruppi thaj vi na romensa, numa trobuj inke majbut buchi kherdini. Ferik ke pe kado trobuj jek zutipe katar gaze, phenel o Gusti.


15 000 shavora nakhle e "E Kalyi Jag ishkola" thela bersh so sas inkherdi, phenel o Gusti. Ferik ke so leske si jek briga ando ilo si ke jek cino kotor anda kadal studentura si le possbilita pala kode te zan maj angle ande le maj uche shkoli sar universiteto, anda kode ke kado bare love kherel ando Ungro.

Thaj o Gusti, phenel ke jek anda kaver problemura si vi ke hibazij sichara kusa kompetenso kaj shaj kheren buchi ande shkoli, numa le Gustes si gindura kana avel kaj e "E Kalyi Jag ishkola" ande vrama maj angle.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".