Stefan Löfven anda Socialdemokraterna
Stefan Löfven anda Socialdemokraterna Foto: Åsa Stöckel/Sveriges Radio

O Stefan Löfven ando Almedalen

4:34 min

Adjes ando Almedalen sas le themesko ministro Stefan Löfven te avel pe scena te del avtetora ale kaj si po turnering krujal ando Shvedo nas kote po than, ale sas avri poshlo sajek.

thaj jekh anda avetora kaj so kezdisardas te del sas ke chi trubojas pharo te avel le borgerliga partienge te penen ke " von chi avna zalezni katar le sd.

[Duration:0:12]

penlas o statsministro Stefan Löfven. O Löfven sas vi virazno ande kodo ke vov kamel te dikel maj but blocköverskridande bucha te keren kethane, ale si jekh zurali kritika ke pahersi te keres buchi kethane kusa socialdemokratora. Kole djesendar pendas e paluni vorbitorka anda milijöpartiet e Åsa Romason ando DN sar sas lake te kerel buchi kethane kusa S, thaj voj pendas ke von si jekh partia kaj kamen intergo makto, varsio kaj o Stefan Löfven chi kamel te pinjaravel.
 

 
Kate shaj shunas ke o Stefan Löfven penel ke von sigo aba si shtar bersh ando regeringo thaj ande varma kaj shaj penes si e maj phari parlamentishno perioda kaj sas ande Shvedoski demokratsija.

Thaj penel maj dur ke kerde kethane buchi pe 21 bare delora ande soste intergi parti kamenas thaj sas po jekh agor. Thaj kadal bucha sas sar o välfärd, edjukatsija, le kherengi situasija thaj vi bredband.

Jekh anda grundora kaj e Socialdemokartora kamen te avel maj bari koperatsija si tena len le SD zhor ande politika. Ale sode le S kamena te keren buchi le kavere partientsa pe kado chi kamelas o Stefan Löfven te del atveto feri pendas ke kamel te avel le Shvedos maj lasho välfärd, pravora thaj maj lasho systemo.
 
 
 
O Stefan Löfven pendas vi ke kamen te keren buchi kethane perdal o blockgränsen pala alosripe, ale o gindo te mukel e Annie Lööf anda centerparti te avel themeski ministerka kaj inkrel e koperatsija chi chaljol les, thaj pendas ke naj aktualno von te vorbin pa possibilita sar jekh cini partia te avel themeski ministerka.
 
 
O Stefan Löfven vi protectulijas e shvedisko migratsijaki politika ke le familiji kaj sas cinde katar peske familiji nashtik atomatishnje te panden le kethane pale te si ke jekh avilas ando shvedo thaj o kaver ashilas ando maripe. Vov pendas ke nashtik o Shvedo jekhzeno them te inkrel peske praovora kana sa le kaver thema keren kaveres, ke kado chi inkrela po lungo, musaj sako them te lel peski responsibilita thaj te zjian pala pravora kaj lena le Eu-thema kethane.

Ljudklippet är från avsnittet
Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".