Liberalerna logga

Liberalerna

3:17 min

Le Liberalerna (L), varekana Folkpartiet liberalerna thaj angla kodo ferik Folkpartiet, si jek social-liberalno politicno partia ando riksdagen.

E partia sas grundovano ando 1934-bersh thela anav Folkpartiet kana le parlamentoske partiji Sveriges liberala parti thaj o Frisinnade folkpartiet ghele khetane. De katar o 1940-1960-bersh sas von e maj bari borgelig vaj civilno partia ando Shvedo, ferik ke de sar o 2004-bersh si le Liberalnerna khetanes kusa Moderaterna, Kristdemokraterna thaj o Centerpartiet o civilno vaj o borgerliga Allianso.

E partia si le e politicno ideologia jek liberalno ekonomia kusa jek socialno responsibilita vaj socialliberalismen sar kaj bushol. De sar o 1990-bersh inkrel e partia jek virazno civilno vaj borgerlig profilacia kana avel kaj o marketo ande shvedisko ekonomia, liberalni reguli thaj privatizacia.

Le Liberalerna phenen pe peste ke si jek liberalno gindoski partia kaj inkrel le individos ando centro, kado pa jek politika kaj kherel buchi karing e manushesko liberalno possibilita te aloj sar kaj kamel thaj vlasno zor te vazdel pe pa politika kaj vazdel e possbiliti thaj csinjarel e probblematika.

Thela bersh sas le maj importatno alosarimaske pushimata mashkar le Liberalerna edukacia, jekhipe, integracia thaj immigracia khetanes kusa Europake pushimata.

E partia si ginadi sar le shvedoski eftato maj bari partia ando shvedisko parlamento vaj o riksdagen sar kaj bushol, kaj si le majbut mandatura sar ferik le Kristdemokraterna. Le Liberalerna si le maj baro politicno supporto ande bare foronge regioni thaj ande kotora foronge kaj si maj uchi edukacia.

Ando Europako parlamentosko alosaripe ando 2014-bersh line e partia 9, 91 procentenheter anda glasura thaj kadalesa sas lenge ginado duj mandatura. Ando riksdags- alosaripe ando 2014-bersh csinjilas e partiako supporto kusa 1,7 procentenheter zi kaj e 5,4 procenti.

Le Liberalerna skirin pe peski internetoski patrin ke le duj maj importatni pushimata lenga partiako ando alosaripe ando 2018-bersh si e shkola, ke te si jek possibilita sako jek te phirel ande shkola shaj kherel buchi kodo manush kodolesa so kamel, thaj integracia te shaj manush neve ando Shvedo te sichon shvediska thaj te len buchi.

Ljudklippet är från avsnittet
Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".