Sverigedemokraterna
Sverigedemokraterna

Sverigedemokraterna

2:52 min

Sverigedemokraterna si jekh nationalisticno partia khaj sas vazdini ando bersh 1988. Partiako sherutno si khatar o bersh 2005 o Jimmie Åkesson.

Manush so vasde opre kadi partia ando bersh 1988 sas manush so sas hamime ande rasisticne organisatcie aj partie maj anglal sar o Sverigepartiet, Bevara Sverige Svenskt BBS aj o Framstegspartiet.

E partia sas pindjardi sar jekh högerextrimistno partia. Leif Ericsson vazdas opre e partia thaj vov sas maj anglal ando BBS.


Ando bersh 2006 sas alosardo e luludji "blåsippa" jekh vuneto luludji sar lengo partiako logotypo.

Po agor ando bersh 2011 parudas e partia pengi ideologa te na aven feri jekh nationalistno partia feri vi te aven jekh socialkonservativno partia.

E partiako organisatcia si uladi opre ando 23 partiako destirktoria, aj vi  ternikano roganizatcia si khaj bushiol Sverigedemokratisk Ungdom SDU.

E partia inkren jekh partiako gazeta khaj bushiol SD-kuriren. Po agor ando bersh 2014 sas a partia kharing e 12 000 membrura.

Ando bersh 2012 sas e partia dini o beteckning ke si främlingsfientliga kodo si kana san xenophobiaki feri e partia zumadas te malavel tele kado semno thaj shude vi avri manushen anda partia khaj sas pindjarde xenophobura.

Thaj kado kerdjilas ke vi kaver manush anda partia mukhle SD thaj gele khaj jekh maj xenophobiaki partia, sar eksemplo Gustav Kasselstrand thaj Jeff Ahl.

Ando regeringosko alosaripe ando bersh 2014 las e partia 12,7 procenti thaj kadalesa si SD trito maj bari partia ande riksdagen thaj inkrel 47 mandatura ando riksdagen.

Vi te si e partia e trito maj bari partia pala paluno alosaripe chi kamen chi soske parti te keren lenca buchi.
thaj kado si e doshasa ke e partia si zurales konservativne ande migratciaki thaj asimilatciaki politika.

Lenge maj vazne pushimata si Integratcia, sekurita thaj nasvalengo zhutipe kana djan avri ande kadale bershesko alosaripe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".