Centerpartiet
Centerpartiet

Centerpartiet

3:25 min

Centerpartiet, vaj Centern sar khaj but manush phenen ando Shvedo si jekh socialno liberalno thaj zeleno politicno partia ando Shvedo.

Pe alosarimaske lila si o anav Centern thaj o skurtjaripe si jekh baro C.
Sherutni ande partia si e Annie Lööf thaj voj si sherutni ande partia de khatar o bersh 2011.

E partia si shvedoski panshto maj bari politicno partia pala o alosaripe ando bersh 2014 kusa 6,1 procenti thaj inkrel adjes 22 mandatura ando riksdagen.

A partiako symbolo sas jekh zeleno luludji kusa shtar patra - fyrklöver.

CUF- centerns ungdomsförbund si e ternikani organizatcia.

Centerpartiet si jekh anda e Shvedoske maj phure politicne parti thaj inkrel peski historia andenordicno agriarismo. E buchi khaj e partiako starto las pe aba ando bersh 1908 thaj o ghindo sas te kerel pe jekh bondeparti jekh patia e manushenge so trajin krujal ande gava ando Shvedo.

E partia bushiolas maj anglal Bondeförbundet thaj inkerelas o anav khatar e bersh 1913 zhi khaj o bersh 1957.

Ande bersh 1970 sas e Center partiet e maj bari thaj zurali borgerliga partia mashkar e parti so inkrenas pe khatar mashkar zhi khaj e chachi righ ande politika.

Kodolesa sas vi o purano sherutno Thorbjörn Fälldin statsministro ando shvedo duvar mashkar e bersh 1976-78 thaj 79-82.

Centerpartiet inkerdjilas vi andre ande kolaitsiake regeriungura kusa e socialdemokraterna ande 1950 bersh thaj vi ande mashkar e bersh 1995-1998.

De khatar o bersh 2004 inkerdjiol pe e partia Centerpartiet khetanes ande e Borgerliga Alliansen kusa e kaver parti sar Moderaterna, Kristdemokraterna thaj e Liberalerna.

Centerpartiet sas vi andre ande Regeriungo mashkar e bersh 2006-2014 kana o Reinfeld inkrelas o them.

Pindjarde politichara ande partia si Thorbjörn Fälldin, Olof Johansson thaj e Maud Olofsson.

E partia inkrel pesko ghindo te aven e manush khaj trajin ande gava vaj ande maj cine forura te birin e manush te trajin vi kote khaj naj feri bare forura.

Centern inkerdjiol pe vi maj liberalno de khatar o bersh 2013 sar socialno decentralisticno thaj zeleno thaj zurale vorbi ande partia so federalismo, phuterdo them kusa o individo ando fokuso.

Centerpartiet marel pe maj but ande pushimata khaj si pa buchia thaj te startulij pe firmi, decentralizatcia thaj vazdipe pe gava, välfärd thaj miljö vaj natura.

Ando alosaripe 2018 si e maj vazne pushimata e buchia thaj te startulij pe firmi, vazdimaske shansi pe gava thaj e sekurita ando them.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".