Två personer räknar röster i valet.
Foto: Peter Bressler/Sveriges Radio

Dosh ando valdistrikt pharudas resultato

3:08 min

Le lole-thaj zeleni partiji akanak si maj angle kana si ginade le riksdags-glasura, thaj o resultato sikhavel ke le lole-thaj zeleni zan maj angle opral pa le Allians-partiji kusa 144 karing 142 mandatura pala kode ke jek jek problemo vaj felero sas arakhlo arachi.

Jek chorro vaj na vorta rapporto katar jek cino alosarimasko distrikto ando Västra Götaland kherdas ke o Centerpartiet musaj sas te den jek mandato ando riksdagen kaj le Sverigedemokraterna.

Arachi lujine pala mizmeri avilas e informacia ke le glasura ando riksdags-alosaripe sas gata ginade, kusa le le glasura kaj manush denas maj sigo sar o alosarimasko djes vaj förtidsröster anda kaver thema thaj pa pochta. Ferik ke pe rachate lujine pharudzile hirtelem kadal siffri.

E dosh sas arakhlini kodi rat, phenel o press-sekretari anda Valmyndigheten o Lars Aden Lisinski :

- Jek alosarimaski distrikta ande Färgelanda ando Västra Götaland chorres rapportulisarde andre le glasura, phenlas o Lars Aden Lisinski anda Valmyndigheten.

O resultato anda komunalno alosaripe vaj o landstingsvalet sase rapportovano sar le siffri anda riksdags-alosaripe. Kado sas dino pe dosh kana o chso maladas 18.18 lujine pe rachate.

Totalnie sas ferik 1 339 djene kaj dine pesko glaso ando riksdagen ando kodo alosarimasko distrikto. thaj kado resultato sas ferik kodo so trobujas le Sverigedemokraterna te len 63 mandatura thaj e Centerpartia 30 mandatura.

O Lars Aden Lisinski anda Valmyndigheten pale.

- Ande vorta kado fallo das kado effekto ke kade pashe sas mashkar o Centerpartiet thaj le Sverigedemokraterna kana avel kaj jek mandato. Kado kherdas ke maj zuralo resultato las o SD, phenel o Lars Aden Lisinski.

O khetane ginado resultato anda alosaripe ando riksdagen zal majdur thaj maj sigo tehara tetradzine shaj avla gata si ginado, rapportulij o Valmyndigheten. ferik ke eventualnie shaj kado cirdela pe zi kaj o agor le kurkesko.

E pashe situacia mashkar le duj blockura, le Allians-partiji thaj le Lole -thaj zeleni, kherel ke sako pharujipe ande glasura shaj del jek effekto sar lengi zor avla pharudini.

Momentalnie tordzol e siffri 144 karing 142 le Lole -thaj zelenenge. Ferik ke kado si jek chansa ke shaj pharudzola kana le avrithemutne thaj le glasura pa pochta kaj ashile avna ginade.

Ljudklippet är från avsnittet
Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".