Kid Kid Jam har producerat en låt om Förintelsens offer.

Wicia Wiszniewski kerdas djili pa Auschwitz-Birkenau

4:45 min

Kid Jam kaj si lesko artisticno anav las insperatsia kathar e historia so shundas kathar peski famelija save nakle o holocaust.

Thaj kado kherdas ke vov kerdas jek djili pa kado sar transportolinas le manushen ande koncentraciake lagerora.

Holocaust vaj samudaripe ashol e manoshenge sar jek bari dukh ando ilo.
But djene hasarde penge maj pashe manoshen ande famelija. But zene kana shunenas e vorbimata sar chachimasa sas ande lagerora tela dujto lumako maripe, kamen te vorbin vi kaverenge te na bisterzolpe.

Jek lendar si o Wicia Wiszniewski vaj sar pinzjardo artisto Kid Jam, savo las insperatsia kathar sa e historie so shundas kathar peski famelija save nakle kadi phari vrama, thaj vov kerdas jek djili pa kado sar transportolinas le manoshen ande koncentraciake lagerora.

Ande peski jili Chu Chu train jilabel o Vicha sar sas kana transportolinas le manoshen ande koncentraciake lagerora, ando Auschwits-Birkenau, kaj opral 1 miljono manosh hasarde pensko trajo kathar 1940- 1945 bersh.
 
O gezeshi-tåget sas chachimasa pe kodo te keren transporto materijalo vaj habenatha, nas kerdo te aven manosh andre shutine. E konditcia sas zorales chori, shunas andre ande vagonora opral e 200 zenen, sar phoren, shavoren, zuvlan thaj vi murshen.

Ande vagonora nas chi than kaj te beshen, e manosh torzonas intrego vrama, but zjene nasvajvenas vaj navet vi merenas kothe. Vi shavora arakazonas, numa jek chi janenas, kothe kaj von sas te aresen sas o than anda le maj chore thaj daravne ande luma, ke kothe zokarelas len o modaripe.
 
O Vicha kamel ando texto e djilako te phenel o chachipe so sas kerdo karing e rom tela dujto lumako maripe, thaj te na avel bisterdo kado mashkare rom, sostar, ke e phore chi vorbinas photerdes pa kado.
 

Vicha Vishnevsky gindil ke e djili Chu Chu Train avla sar jek edukativno djili sa e manoshenge tena bisterjolpe sokerdaspe thaj te na kerelpe kado maj dur.

 

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista