Mobil telefono chi avla slobodo the hasnijpe
Mobil telefono chi avla slobodo the hasnijpe
Det kan bli förbjudet att använda mobilen i skolan.

Krisi tordjarna tele le mobiltelefonosko hasnipe andej skoli

3:32 min

O Regeringo mangel the tordjarel thele le mobiltelefonosko hasnipe tela sitjarimaski vreme. Kado si pala januariöverenskommelsen. De o pusipe si, sar kado the zal andi praktika. I Sitjarimaski ministerka Anna Ekström phenel, le partura site besen khetane the vorbinpe paj neve krisi.

Aba adjes andej skoli la skolake sherutne/ rektorer shaj tordjaren tele le mobiltelefonongo hasnipe. Savo khatar le shavora lelpe positivno.

The sitjos, the les karingtu o sitjaripe the avel tut jekh lasi edjukacia si importanto. Tena hasnijpe o mobiltelefonosko andi iskola si misto phenel anda starto klaso i Jaklina Karika.

De naj kongodi positivno khaj chi avla slobodo o mobiltelefono the hasnijpe ande skoli. O docento Torbjörn Ott kerdas jekh rodipe phe le shavorengo hasnipe phe o mobiltelefono andej skoli. Thaj phenel khe chaches le shavoren shaj distrahalij o telefono. De phej aver rig so maj but hasnin le kompjutera phe o sitjarimo. Kaj sa kade shaj hasnijpe o Youtobe vaj aver socialna mediji thaj atunchi chi del kodo effekto so zukarelpe phe le mobiltelefonongo thele tordjaripe. Så trubujaspe si jekh maj sato jekh maj loko hasnipe pej o mobiltelefono, phenel o docento Torbjörn Ott.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista