8-april firades i Romskt informations- och kunskapscenter i Malmö med olika festligheter.

O romano Internationalno djes ando Malmö

4:45 min

Aratji 8-to April sas o Romano internationalno djes. Ando Malmö inkerdaspe khatar o Romano kulturako centro RIKC.

Po than sas karing le 300 rom thaj vi aver naciji, bari voja thaj patjiv sas ando Moriska pviljongen Folkets Park . Le manusa sas vojsa phenas sostar si misto the inkrelpe the vazdelpe kado djes. O Robert Nikolic sas jekh anda organizatora.

I Gloria sas anglunes phe patjiv so inkrelpe sako bers 8 april sar le romengo Internationalno djes. O djes vazdelpe de khatar o 1971 bers de khatar o angluno romano kongresso sas ando London kodoleske 48-to bers palpale andi vreme.

Thaj adjes so sikavelpe si khe o zanipe thaj o intreso sako bers barol phe kado djes vi khaj le rom thaj vi khaj o majoriteto ande sako foro thaj ande sako them krujal andi Luma. De le maj phure rom chi dikhen o Internatinalno roma des sar jekh nationalno o Jani Kopac phenel sar andi purani vreme sas thela Aprilosko shon.

Le phure dikhen phe o Internationalno djes sar jekh paramicha de le terne manusa dikhenles thaj hatjaren les sar pengo nationalno djes sar romani nacia. Khana o Radio Romano gelas krujal the pusel le manusen so von hatjaren tela kado djes sas manus khon hatjarlas vi Briga thaj vi los. Kas sunen si o Paul Albert Dandos.

O aratjutno Interrnationalno romano djes sikadas, khe le rom vi the aven anda diferentni thema, vaj sindjon anda diferentni gruppi, naciji, sa kade  khetanes losan thaj vazden kado djes sar rom thaj sar jekhutni nacia. O djes den opre jekh jekhavreske.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista