Nidaamka Ammaanka Nololeed oo Hoos u Dhacay

Dalka Iswiidhen ayaa lumiyay kaalintii sareeysay ee uu kaga jiray nidaamka dhaqaale nololeed ee bulshada. Dalkan oo lagu ammaani jiray inuu kaalinta koowaad kaga jiro habka a-kassa-da (dhaqaalaha la siiyo ruuxa shaqa la'aantu ku habsato) ee caalamka ayaa iminka ka hooseeya kaalinta dhexdheedka marka loo barbar-dhigo waddammada caalamka.

Sida ku cad baaritaan loo sameeyay guddiga baarlamanteriga ee ka baaraan-degga ceeymiska bulshada.

Irene Wennemo, waa gacan-yaraha guddiga:
- Waxaa naga dhaadhacsan sawir in nidaamka caymiska dalku yahay mid wanaagsan oo kaali sarreeysa ku jira marka loo barbar-dhigo waddammada kale. Waxaa iminka muuqatay in aanay middaasi dhab ahayn.

Soo saareyaasha war-bixintan ayaa eegey iyaga oo ka tallaabo qaadaya mushaarooyinka caadiga ah ee dadyowga warshadaha ka howl-gala ceeymiskooda dhaqaalahooda kolka dhaawacyo gaaraan iyo sidoo kale ceeymiska shaqa-la'aanta muddadii u dhaxeeysay 2005 iyo 2010. War.bixinta oo uu maanta daabacay war-geeyska SvD ayuu sheegay inay ku caddaatay in dalkani lumiyay kaalintii sare ee howlahaa kaga jiray iyadoona iminka uu ka hooseeyo kaalinta dhexdehexaadka marka loo barbar-dhigo waddammada OECD.

                                                      kenadid.mohamed@sr.se

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Du hittar dina sparade avsnitt i menyn under "Min lista".