Ciidammada Iswiidhen ee Afgaanistaan. Sawirle: Torbjörn F Gustafsson/InfoS/Försvarsmakten

Ciidanka Afgaanistaan ku Sugan oo la Weeraro

Ciidammada waddammada Iswiidhen iyo Finland kaga sugan waddanka Afgaanistaan ayaa muddooyinkii ugu dambeeyey qeyb ka ahaa dhacdooyin is rasaaseeyn ee carrigaa ka dhacay, iyadoona wasaaradda difaacu sheegtay inay fileeyso sii socodka dhacdooyinka noocaasiya, sida ay qortay hayadda wararka ee TT.

Isniintii shalay ahayd ee toddobaadkan ayaa ugu dambeeysay kolkii ey difaac ka galeen ciidanka dalkan kaga sugan Afgaanistaan. Iyadoona ciidamo isku dhaf ah ee iswiidhish iyo afgaanistaan ah ee ku sii jeedey magaalada Sar-i-Pul ee waqooyiga Afgaanistaan lagu rasaaseeyey goobtii ey ku sugnaayeen. Hase yeeshee aaney cidi kaga dhaawacmin.

Laga bilaabo taariikhdii 15-kii bishii maajo ayaa ciidammada iswiidhen dhowr jeer ee kala duwan weerarro lala beegsadey. Iyadoona saddex ka mid ah weerarradaa loo adeegsadey miinooyin aqallada lagu sameeyey.

Madaxa ciidammada iswiidhishka ee Afgaanistaan Anders Silwer ayaa tibaaxay in weerarradu aaney ka badneeyn kuwa iminka ee dhici jirey xilligan oo kale, isagoona sheegay:
- In kolka dhaqdhaqaaqu sahlanaado ey bataan daandaansiyada weerar ee noocaniya.

Isha:TT

                                       kenadid.mohamed@sr.se

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Du hittar dina sparade ljud i menyn under Min lista