Tallaal horseeday kor u kaca xannuunka qalalka

Da'da 40-jir laguma arag wax halis ah
2:27 min

Cilmi-baaris ballaaran oo ey maanta soo ban-dhigtay wakaaladda dawooyinka ayaa lagu sheegay inuu tallaakii hargabka doofaarku kor u qaaday suurtagal ah inuu kor u kaco cudurka qalalka hurdada (Narkolepsi) ee dhallaankii qaatey tallaalka hargabka doofaar ee Pandemrix. Iyadoona ey saddex jeer kor u kacdey halista ah iney cudurkaa qaadaan dhallaankii tallaalka lagu mudey.

- Waxaa muuqatay in muddadii aan baarista ku jirney 126 ruux uu cudurku asiibay tallaaka dabadii. Halka kuwii aan la tallaalin uu ku dhacey 20 ruux. Waxaa laga hadleyaa tiro saddex-jibbaarantey ee la hubo, sida uu sheegay mar uu u warramayay hayadda wararka Iswiidhen ee TT caalinka Ingemar Person, ahna madaxa cilmi-baaristan.

Marka laga yimaado tirada saddex-jibbaarantey ayuu caalinka Ingemar Persson haddana difaacay tallaalkii guud ee bulshada laga simey.
- Kolkii lagu sugnaa heerkii waagaa, waxaa jirteay masuuliyad sidii bulshada loo dar-yeeli lahaa. Hase yeeshee ay dhibaatada la xiriirta cudurka qalalka hurddadu (narkolepsi) si lama filaan ah u dhacday. Halka dhanka kale uu cudurka narkolepsi-gu yahay mid aan sidaa caadi u ahayn, isla-markaana ey adkayd sidii horay loogu ogaan lahaa, sida uu sheegay.

Cilmi-baarista waxaa lagu ogaadey kor u kac ku dhacay halista cudurka ee da'da 21 illaa iyo 30 jir. Dhallin-yaradaasina oo ku sugneeyd halis laba-jibbaaran, marka loo barbar-dhigo kuwa kale.

Halista ahayd in tallaalka laga qaado cudurka Narkolepsi ayaa sii yaraanaysay kolka da'du sii korortaba, iyadoona aan wax khatar ah aan lagu arag dadyoowga da'doodu gaarsiisneyd 40-jir.

Cilmi-baaristan oo lagu sameeyey bulsho tiradoodu gaarsiisan tahay 3,3 malyuun oo is tallaaley iyo 2,5 malyuun oo aan is-tallaalin ayaa lagu sameeyey muddadii u dhexeeysey koowdii bishii oktoober 2009 nillaa iyo diseembar 2011.

Isha/ Ekot, TT

                                                                  kenadid.mohamed@sr.se

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Du hittar dina sparade avsnitt i menyn under "Min lista".